«Heta nieabaviazkova budzie zarehistravanaja struktura. U skład ruchu mohuć uvachodzić z pravam hołasu bolš jak sto čałaviek, jakija pradstaŭlajuć lubyja arhanizacyi hramadskaj i palityčnaj skiravanaści, zavody, haspadarčyja, spartyŭnyja i inšyja struktury. Pry hetym zhoda načalnika arhanizacyi nie patrabujecca. Nam važnyja realnyja ludzi», — paviedamiŭlidar ŁDP, staršynia kaardynacyjnaha kamiteta «Narodnaha ruchu Biełarusi» Siarhiej Hajdukievič.
Pry hetym palityk ličyć «vielmi važnym pierachapić tyja hramadskija arhanizacyi, jakija dziaržava choča pryciahnuć dla ŭdziełu ŭ niejkim patryjatyčnym źjeździe».
Pavodle słoŭ Hajdukieviča, na apošnim pasiadžeńni kaardynacyjnaha kamiteta «Narodnaha ruchu Biełarusi» prysutničała 56 subjektaŭ. Adnak jon skazaŭ, što «pakul nie budzie nazyvać kankretnyja arhanizacyi».
Hajdukievič paviedamiŭ, što asnoŭnaj zadačaj «Narodnaha ruchu Biełarusi» źjaŭlajecca pabudova «novaj Biełarusi».
«Siońniašniaja ŭłada staić ŭ paŭsahnutym stanie. Dziaržava pavinna kiravać svabodnymi ludźmi», — skazaŭ jon.
Palityk ličyć, što ciapier u hramadstvie sfarmiravalisia «try kałony»: pieršaja — virtualnaja, jakaja padtrymlivaje ŭładu; druhaja — Hajdukieviča, jakuju «abrali ŭsie, chto maje prarasijski viektar»; treciaja — «usie astatnija», jakija tak i nie vybrali «narmalnaha lidara».
Hajdukievič taksama nazvaŭ try asnoŭnyja pałažeńni palityčnaj prahramy «Narodnaha ruchu Biełarusi».
Hajdukievič taksama paviedamiŭ, što «chutka budzie abvieščana pra sklikańnie kanhresa «Narodnaha ruchu Biełarusi».
Ciapier čytajuć
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty2
Kamientary