Na maŭklivuju akcyju 21 vieraśnia ŭ Baranavičach pryjšło nie bolš za 20 čałaviek. U adroźnieńni ad minułych akcyj, hetym razam supracoŭniki pravaachoŭnych vorhanaŭ nie zhaniali adpačyvajučych haradžan ź placa kala fantana. Na łaŭkach adpačyvali siemji ź dziećmi, moładź katałasia na rovarach vakoł fantana.
Prykładna, a 19.20 na płoščy pačułasia hučnaje plaskańnie ŭ ładki. U toj bok adrazu skiravała svaje pozirki vialikaja hrupa ludziej u cyvilnym, što na praciahu hadziny siadzieła i «hutaryła» na łaŭcy kala pomnika vierabju. Ale heta plaskańnie nie było niebiaśpiečnym dla dziaržaŭnaha ładu, prosta niejkaja kupka moładzi adznačała kala stolikaŭ handlovaj pałatki niejkaje mierapryjemstva.
Maŭklivych pratestujučych moža navat nichto b i nie zaŭvažyŭ, kali b niedzie paśla 19.40 u dvuch čałaviek milicyjaniery ŭ cyvilnym usio ž nie pravieryli dakumienty. Adnym z tych, kaho praviarali, byŭ viadomy ŭ Baranavičach hramadski aktyvist Ryhor Hryk.
Razam z pašpartam jon pakazaŭ milicyi Kanstytucyju RB dy Dekłaracyju pravoŭ čałavieka i pačaŭ tłumačyć svaje pravy. U hety čas inšyja ŭdzielniki akcyi stali razychodzicca. Niedzie, a 19.50 nikoha kala fantana ŭžo nie było.
Hetym razam, zdajecca, nikoha nie zatrymali.
Kamientary