Zaviedziena kryminalnaja sprava ŭ dačynieńni da jašče adnaho aktyvista niezarehistravanaj arhanizacyi «Małady front». U Voršy ŭ “naniasieńni antyŭradavych hrafici na haradzkija ścieny” vinavaciać 18‑hadovaha Sieržuka Huminskaha.
24 śniežnia chłopca zatrymali la domu, dzie jon pražyvaje, dy advieźli ŭ milicyju. Spačatku Siaržuk ličyŭsia padazravanym u hetaj spravie, a 12 studzienia jamu pradjavili aficyjnaje abvinavačańnie pavodle artykułu 314 «Psavańnie dziaržaŭnaj majomaści». Pavodle hetaha artykułu chłopcu pahražaje try miesiacy kalonii ahulnaha režymu ci štraf.
Pierad miascovymi vybarami S. Huminski byŭ źbity supracoŭnikami milicyi, a kali jon pryjšoŭ pa tłumačeńni ŭ pastarunak, jaho adrazu advieźli ŭ sud. Chłopca abvinavacili ŭ drobnym chulihanstvie (art. 156 Administracyjnaha kodeksu) i niepadparadkavańni milicyi (art. 166). Sudździa Bondaraŭ pakaraŭ chłopca tryma sutkami aryštu. Jašče ŭ zali sudu Siaržuk abvieściŭ haładoŭku.
U čaćvier pavinna vyśvietlicca, ci budzie sprava Huminskaha pieradadziena ŭ sud, ci budzie spynienaja. Sam chłopiec spakojna stavicca da mahčymaha sudu, kažučy, što jaho nie zapałochaješ represijami.
Fota z sajtu mfront.net
Kamientary