Deputat Kułakoŭski choča, kab paśla źmieny ŭłady dziaržaŭnyja prapahandysty byli abaronienyja
Pry abmierkavańni kancepcyi novaha zakonu ab srodkach masavaj infarmacyi ŭźnikaje pytańnie ab rehulavańni dziejnaści Internetu.
Pry abmierkavańni kancepcyi novaha zakonu ab srodkach masavaj infarmacyi ŭźnikaje pytańnie ab rehulavańni dziejnaści Internetu.
Dla hetaha treba stvarać asobnuju pravavuju sistemu. Taki punkt hledžańnia vykazaŭ siońnia staršynia Pastajannaj kamisii pa pravach čałavieka, nacyjanalnych adnosinach i srodkach masavaj infarmacyi «pałaty pradstaŭnikoŭ» Jury Kułakoŭski na pašyranym pasiedžańni, jakoje adbyłasia na bazie redakcyi haziety «Respublika». «Atrymałasia, što pravavoje pole Internetu nie takoje ŭžo i biaskryŭdnaje. I tut havorka nie idzie pra ŭščamleńnie aŭtarskich pravoŭ. Prablema ŭ tym, jak paźbiehnuć prapahandy hvałtu ŭ Internecie, jak abaranić pravy asoby, ułasnaść i hetak dalej», – skazaŭ Jury Kułakoŭski.
Vidavočna, što takija zakanadaŭčyja normy nieabchodnyja, ale dla hetaha treba vializnaja praca. Najpierš, nieabchodny šerah mižnarodnych pahadnieńniaŭ. «Inicyjatyva pavinna zychodzić ź mižnarodnych struktur, kab usio było pryviedziena da adnaho nazoŭnika. U adnoj krainie takaja praca nie pryviadzie da peŭnych vynikaŭ», – ličyć kiraŭnik parłamienckaj kamisii. Jury Kułakoŭski adznačyŭ, što praca nad kancepcyjaj prajekta zakonu ŭ srodkach masavaj infarmacyi pakul, na žal, idzie pavolna, choć užo naśpieła nieabchodnaść novaha narmatyŭnaha aktu. Isnoŭny zakon ab druku byŭ pryniaty daŭno. Užo minuła 10 hadoŭ, i za hety čas u krainie šmat što źmianiłasia.
Na dumku deputata, pravy žurnalista musiać być bolš abaronienyja. Jury Kułakoŭski ličyć, što treba pierahledzieć normu ab adkaznaści žurnalistaŭ za pryčynieńnie maralnaj škody. Takuju adkaznaść aŭtar materyjału pavinien nieści niejki abmiežavany čas. «Adnaho hoda dosyć dla asensavańnia taho abo inšaha artykuła. Ale siońnia zdarajecca tak, što na karespandenta padajuć u sud praz 20 hadoŭ paśla vychadu materyjału», – zajaviŭ Jury Kułakoŭski. Deputat ličyć, što nadyjšoŭ «čas užo ŭbačyć hety dakumient u parłamiencie i pačać nad im pracavać». Jon taksama paviedamiŭ, što ŭ płanie prajektnaj dziejnaści na 2007 hod dadzienaha zakonaprajekta niama.
-
U Baranavičach vylepili sa śniehu vialikaha kania ŭ palito FOTAFAKT
-
Pamiatajecie biełarusku, jakaja žyła i viała biznes u Litvie, ale nienavidzieła krainu? Daviedalisia, što z fanatkaj Łukašenki ciapier
-
«Pakul nie źniali tyktok — nichto nie varušyŭsia». Jak biełarusy vyrašajuć kamunalnyja prablemy praz ahałosku
Raźviedka ZŠA: Biełaruś stała pieradavym vajskovym płacdarmam Rasii24
Kamientary