Starobinskaje radovišča kaliju addajuć biehłamu rasijskamu aliharchu
Prajekt Huceryjeva «asabista inicyjavaŭ i kaardynavaŭ» Łukašenka.
U Biełarusi maje być pabudavany druhi kalijny kambinat, mahutnaściu 1,1 młn t uhnajeńniaŭ u hod.Ab hetym zajaviŭ siońnia prem'
Miaśnikovič nazvaŭ kampaniju GMC Global Energy plc, uładalnikam jakoj źjaŭlajecca Huceryjeŭ, «bujnym zamiežnym inviestaram, jaki realna prychodzić u kalijny biznes». Adznačana taksama, što Łukašenka asabista «inicyjavaŭ i ŭvieś čas kaardynavaŭ pracu nad hetym prajektam».
Płanujecca, što za košt srodkaŭ kampanii ŭ 2017 hodzie budzie pabudavany druhi kalijny kambinat mahutnaściu 1,1 t kalijnych uhnajeńniaŭ u hod. «Jość usie padstavy mierkavać, što novy kambinat u 2021 hodzie vyjdzie na prajektnuju mahutnaść», — padkreśliŭ Miaśnikovič.
Raźlikova aceńvajecca, što budzie stvorana 1,5 tys pracoŭnych miescaŭ.
Miarkujecca, što
novaje pradpryjemstva atrymaje nazvu «Słaŭkalij».
«Inviestycyi składuć nie mienš jak $ 1,5 młrd, plus $ 250 młn — jak nieadjemnaja častka hetaha prajekta ŭ ekanomiku Biełarusi, pryčym heta budzie inviestavacca da taho, jak my pabudujem šachtu i kambinat», — skazaŭ Michaił Huceryjeŭ.
Pieršyja inviestycyi pojduć užo praź miesiac. Pieršaja apłata — $ 32 młn, druhaja — $ 50 młn na prajektnuju dakumientacyju. Biznesmen padkreśliŭ, što
70% rabočych i śpiecyjalistaŭ, jakija pryciahvajucca dla budaŭnictva abjekta, składuć biełarusy.Hienieralny dyrektar novaha pradpryjemstva i kiraŭnictva kampanii taksama pavinny być ź Biełarusi, ličyć Huceryjeŭ.
Huceryjeŭ taksama paviedamiŭ, što prodaž kaliju z novaj vytvorčaści budzie ažyćciaŭlacca tolki praź Biełaruskuju kalijnuju kampaniju. «U vypadku, kali jany admoviacca, my majem prava sami pradać pradukcyju», — skazaŭ Michaił Huceryjeŭ. Usie hetyja ŭmovy ahavorany ŭ kantrakcie. «My abaviazany zrabić afierty biełaruskamu ŭradu», — skazaŭ jon. U vypadku niejkich roznahałośsiaŭ pytańni buduć vyrašacca, jak heta robicca va ŭsim śviecie — praz sud.
Huceryjeŭ daŭno supracoŭničaŭ ź biełaruskimi ŭładami na Mazyrskim naftapierapracoŭčym zavodzie. Heta jamu naležała kampanija «Słaŭnafta». U samoj ža Rasii jahony biznes nie skłaŭsia: jon vymušany być pakinuć krainu z pryčyny kanfliktu z pucincami.
«Młaŭkalij» «budzie pryvatnaj kampanijaj z 100%-j ułasnaściu zamiežnaha inviestara. U dadzienym vypadku heta GMC», — paviedamiŭ staršynia Dziaržaŭnaha kamiteta pa majomaści Hieorhij Kuźniacoŭ.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1111
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata11
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary