Biełaruskim NPZ zastałosia krychu bolš za miesiac čakać vyśviatleńnia pierśpiektyvaŭ raboty na ŭkrainskim rynku.U kancy śniežnia Ukraina pavinnaja kančatkova vyznačycca, uvodzić ci nie ŭvodzić myty na impartnyja naftapradukty. Miž tym biełaruski bok razam ź Jeŭrapiejskim sajuzam užo pryhrazili Ukrainie ŭ adkaz mierami, kali myty ŭsio ž buduć uviedzienyja.
Tema mytaŭ na impartnyja naftapradukty musirujecca ŭkrainskim bokam amal hod, i, jak adznačajuć ukrainskija ekśpierty, ź niepasrednym udziełam rasijskich naftavikoŭ. Mienavita jany aktyŭna łabirujuć uviadzieńnie mytaŭ na bienzin u pamiery 130 jeŭra za tonu i 80 jeŭra za tonu na dyzpaliva.
Siarod hałoŭnych łabistaŭ analityki nazyvajuć
Rasijskija kampanii vialikija i bahatyja, i ź ich boku robicca surjozny cisk na ŭkrainski ŭrad. Naftaviki łabirujuć uviadzieńnie mytaŭ, bo heta pryviadzie da rezkaha rostu prybytku naftapierapracoŭčych pradpryjemstvaŭ Ukrainy», — tłumačyć hałoŭnuju metu łabistaŭ dyrektar kansałtynhavaj kampanii«I ŭ hetym pracesie zadziejničanyja surjoznyja siły.
Z hetaj pryčyny na całkam zakonnych padstavach Ukraina jašče ŭ pačatku hoda pačała śpiecyjalnaje rasśledavańnie što da rostu doli impartnych naftapraduktaŭ i dempinhu z boku pierš za ŭsio biełaruskich NPZ. Ukrainskija naftaviki pierakananyja, što biełaruskija NPZ (u asnoŭnym Mazyrski NPZ) pastaŭlajuć naftapradukty na ŭkrainski rynak pa dempinhavych cenach dziakujučy tamu, što ŭ miežach Mytnaha sajuza kuplajuć naftu ŭ Rasii tańniej, čym ukrainskija NPZ.
Usie arhumienty ab tym, što ŭmovy pastavak rasijskaj nafty nielha nazvać lhotnymi, bo biełaruskija zavody płaciać premiju pastaŭščykam nafty (40–45 dalaraŭ za tonu) i pieraličvajuć u rasijski biudžet myty ad ekspartu naftapraduktaŭ, pakul nie dziejničajuć.
Biełaruskaja naftapierapracoŭka sioleta nie žyruje, a pieražyvaje ciažkija časy. Pavodle infarmacyi krynic u «Biełarusnafcie», tolki pa vynikach 9 miesiacaŭ našyja NPZ zmahli vyjści na nulavuju rentabielnaść. Kab paźbiehnuć paŭtareńnia situacyi, kali paŭhoda zavody pracavali sa stratami, biełaruski bok damahajecca ad Rasii źnižeńnia naftavaj premii na 50% — da 20 dalaraŭ za tonu.
Ale kančatkova ŭsie arhumienty «za» i «suprać» ukrainskaj bokam buduć uzvažanyja da 21 śniežnia, kali maje zaviaršycca rasśledavańnie. Ale jakim budzie rašeńnie, analityki skazać pakul nie mohuć. Bo akramia prychilnikaŭ idei abkłaści imparcioraŭ naftapraduktaŭ mytami jość i praciŭniki — Minekanomiki i Miniust Ukrainy.
«Jany razumiejuć, što dadzienaje rašeńnie mocna ŭdaryć pierš za ŭsio pa ŭkrainskich spažyŭcach u vyhladzie rostu cen na naftapradukty, što niepažadana, uličvajučy ahulnaekanamičnyja prablemy ŭ krainie», — adznačaje Siarhiej Kujun.
Biezumoŭna, rost cenaŭ na naftapradukty pryviadzie i da rostu cenaŭ na transpartnyja pasłuhi va Ukrainie. I łancužok padaražeńniaŭ na hetym nie skončycca. Akramia taho, uźniknie i inšaja prablema: ukrainskija spažyŭcy sutyknucca z deficytam jakasnych naftapraduktaŭ.
Miž tym uviadzieńnie mytaŭ na naftapradukty i začystka rynku mohuć pryvieści da bolš hłabalnych prablemaŭ dla ŭsioj ukrainskaj ekanomiki.
«Ukraina — siabra SHA, u ramkach jakoj vyrazna prapisanaje ŭzajemadziejańnie ź inšymi krainami ŭ takich umovach. Myty i inšyja śpiecmiery źjaŭlajucca cyvilizavanym miechanizmam abarony ŭnutranaha vytvorcy. Ale cyvilizavanaj źjaŭlajecca i reakcyja ŭ adkaz paciarpiełych bakoŭ, jakija majuć prava ŭvieści miery ŭ adkaz na sumu paniesienaj škody», — adznačaje Siarhiej Kujun.
Pra hatoŭnaść prymusić Ukrainu kampiensavać paniesienyja straty ŭ vypadku ŭviadzieńnia impartnych pošlin na naftapradukty ŭžo zajavili pradstaŭniki ES. Pavodle acenak ekśpiertaŭ, ekspart naftapraduktaŭ ź ES va Ukrainu składaje kala 1 młrd dalaraŭ.
«I ES maje poŭnaje prava ŭvieści miery ŭ adkaz na ekvivalentnuju sumu. Ja miarkuju, što ŭ hetym vypadku buduć zakranuty takija važnyja dla Ukrainy haliny, jak mietałurhija, chimičnaja halina», — kanstatuje Siarhiej Kujun.
Pra hatoŭnaść adreahavać anałahičnym čynam zajaviła i Biełaruś.Ukrainski rynak naftapraduktaŭ — adzin z najbolš pryvabnych i pierśpiektyŭnych dla biełaruskich naftapierapracoŭčych zavodaŭ. Letaś dola biełaruskich naftapraduktaŭ na ŭkrainskim rynku pieravysiła 20%.
Pavodle prybliznych padlikaŭ, uviadzieńnie mytaŭ pavialičyć vydatki biełaruskich NPZ bolš čym na 200 młn dalaraŭ. Miery ŭ adkaz z boku Biełarusi pryviaduć da taho, što pacierpić chtości z ukrainskich vytvorcaŭ, pierakanany Kujun.
Adnak inicyjataraŭ uviadzieńnia mytaŭ, ličyć ekśpiert, mała chvalujuć pahrozy z boku ES i Biełarusi. «Rašeńnie, u jakim jany zacikaŭlenyja, pryniasie im žyvyja hrošy, a reakcyja susiedziaŭ ich mała chvaluje», — adznačaje jon.
Tym nie mienš, ekśpiert raźličvaje, što ŭ vyniku klučavym faktaram pry pryniaćci rašeńnia pa mytach stanie niežadańnie Ukrainy kanfliktavać z susiedziami: «Usie razumiejuć, što handlovaja vajna siońnia nie patrebnaja ni nam, ni našym susiedziam».
Ciapier čytajuć
Analityk Hienštaba, jaki malavaŭ kartu «adkul rychtavałasia napadzieńnie», apynuŭsia ŭ SIZA KDB za pracu na ŭkrainskuju raźviedku7
Kamientary