Pryrost vałavoha ŭnutranaha praduktu (VUP) Biełarusi ŭ trecim kvartale 2011 hoda ŭ paraŭnańni z anałahičnym pieryjadam 2010 hoda skłaŭ 1,7% suprać 11,4% u druhim kvartale i 10,9% u pieršym kvartale 2011 hoda, paviedamlajecca ŭ statspravazdačy Nacyjanalnaha statkamiteta Biełarusi (Biełstat).
Naminalny VUP u trecim kvartale skłaŭ Br85,2 trłn suprać Br58,3 trłn ŭ druhim kvartale i Br42, 26 trłn u pieršym kvartale. Deflatar VUP u trecim kvartale skłaŭ 177,4%, za 9 miesiacaŭ - 148%.
Jak paviedamlałasia,
Minekanomiki Biełarusi čakaje ŭ čaćviortym kvartale pierachodu tempaŭ rostu VUP u admoŭnuju płoskaść.Pavodle prahnozu viedamstva, vynikovy pryrost realnaha VUP u 2011 hodzie składzie 4,5--5% z ulikam taho, što za studzień-kastryčnik VUP u realnym vyražeńni vyras na 7%, da Br216,8 trłn u naminalnym vyražeńni.
Pa acency Minfina Biełarusi, naminalny VUP Biełarusi ŭ 2011 hodzie składzie Br266,7 trłn ($ 46,8 młrd pa prahnazavanym siarednim kursie za hod -- Br5,7 tys. / $ 1). U 2010 hodzie naminalny VUP skłaŭ Br162,96 trłn, abo $ 54,7 młn (siaredni kurs Br2978 / $ 1).
Takim čynam,
u dalaravym ekvivalencie VUP Biełarusi ŭ 2011 hodzie źnizicca na 14,4%.
Pa prahnozu MVF, u 2012 hodzie realny VUP Biełarusi vyraście na 1,5%, da Br325,7 trłn ŭ naminalnym vyražeńni. Nacbank Biełarusi prahnazuje siaredni abmienny kurs u nastupnym hodzie na ŭzroŭni Br8,5 tys. / $ 1. Takim čynam,
u ekvivalencie dalara ZŠA VUP Biełarusi ŭ 2012 hodzie moža źnizicca da $ 38,3 młrd.
Ciapier čytajuć
Byłoha supracoŭnika kontrraźviedki KDB aryštavali za zdradu dziaržavie9
Kamientary