Ukraina ŭ 2011 hodzie sabrała rekordny ŭradžaj zbožža ŭ abjomie 55 młn ton, što dazvolić pastavić na zamiežnyja rynki 27 młn ton u siezonie 2011/2012,zajavili pradstaŭniki MinAPK.
Ukraina pastaviła na zamiežnyja rynki 12,7 młn ton zbožža ŭ minułym siezonie, kali zbor składaŭ 39,2 miljona ton.
Pa słovach kiraŭnika departamienta rynkaŭ MinAPK Siarhieja Kvašy, kraina ŭžo ekspartavała kala 6 miljonaŭ ton zbožža, a da kanca hoda abjom prodažaŭ na zamiežnyja rynki dasiahnie 10 miljonaŭ ton. Kvaša kaža, što pšanica i kukuruza daminujuć u eksparcie.
Vysoki ŭradžaj dazvoliŭ čynoŭnikam zrabić rekordnyja prahnozy na budučyja piać hadoŭ, i, pa słovach Kvašy, u 2015 hodzie Ukraina źbiare 80 młn ton zbožža.
Čynoŭnik kaža, što ŭradžajnaść 52 centniera z hiektara i płoščy siaŭby ŭ 15 miljonaŭ hiektaraŭ robiać hety prahnoz realnym. U 2011 hodzie siaredniaja ŭradžajnaść skłała 37 centnieraŭ.
Analityki ličać takija prahnozy zanadta aptymistyčnymi i kažuć pra mahčymy rost uradžaju da 60–62 młn ton tolki da 2020 hoda.
Kamientary