«Mnie jašče pryjdziecca ... apošniaje słova ŭ hetaj situacyi».
Abvinavačanyja ŭ vybuchu ŭ minskim mietro pavinny panieści samaje surovaje pakarańnie, u toj ža čas maje prava na isnavańnie mierkavańnie, što śmiarotnaje pakarańnie dla ich možna zamianić pažyćciovym źniavoleńniem, zajaviŭ Alaksandr Łukašenka ŭ intervju prahramie «Viestki ŭ subotu» na kanale«Rośsija-24» .
«Mnie jašče pryjdziecca, chaču ja hetaha ci nie, — jak i ŭ Rasijskaj Fiederacyi, apošniaje słova ŭ hetaj situacyi, kali sud vyniesie takoje rašeńnie ab śmiarotnaj kary hetych ludziej, chaču ja hetaha ci nie, dakładna tak, jak i ŭ vas, —
ja pavinien budu padpisać ukaz, pamiłavać ci nie pamiłavać»,— zajaviŭ Łukašenka, kamientujučy pa prośbie žurnalista Siarhieja Brylova prapanovu prakurora prysudzić da śmiarotnaha pakarańnia Dźmitryja Kanavałava i Uładzisłava Kavalova.
«Usio naša hramadstva pieražyło taki šok, — adznačyŭ biełaruski kiraŭnik. — Heta niedaravalna, i ja jak prezident liču, što pavinna być samaje žorstkaje pakarańnie za padobnyja dziejańni. Što padšturchnuła ciabie? Jakaja matyvacyja? Kab paciešyć i pahladzieć, jak buduć hinuć ludzi?
Jak kravišča budzie chvastać? Za heta treba adkazvać pa poŭnaj prahramie».
Na remarku Brylova: «Moža być, jak raz adkazam na heta varvarstva było b toje, kab nie adkazvać śmierciu na śmierć, a niachaj siadziać ŭsio žyćcio ŭ turmie?» —
A. Łukašenka zajaviŭ: «Moža być, i tak. Vy majecie prava na hety punkt hledžańnia».
Prysud pa spravie Kanavałava i Kavalova budzie abvieščany 30 listapada.
Kanavałaŭ abvinavačvajecca ŭ ździajśnieńni złačynstvaŭ, praduhledžanych č. 1, 2, 3 art. 289 KK (teraryzm), čč. 2, 3 art. 295 (niezakonny abarot zbroi, bojeprypasaŭ, vybuchovych rečyvaŭ), čč. 2, 3 art. 339 (złosnaje i asabliva złosnaje chulihanstva), č. 2 art. 218 (naŭmysnyja źniščeńnie albo paškodžańnie majomaści), č. 1 art. 14 i č. 3 art. 339 (zamach na złosnaje chulihanstva), č. 1 art. 14 i č. 2 art. 218 (zamach na naŭmysnaje źniščeńnie majomaści).
Kavaloŭ abvinavačvajecca pa č. 6 art. 16 i č. 3 art. 289 (saŭdzieł u akcie teraryzmu), č. 3 art. 295, hh. 2, 3 art. 339, č. 2 art. 218, č. 2 art. 405 (ŭkryvalnictva złačynstvaŭ), čč. 1, 2 art. 406 (niedaniasieńnie ab złačynstvie).
U vyniku vybuchu na stancyi mietro «Kastryčnickaja» 11 krasavika zahinuła 15 čałaviek, cialesnyja paškodžańni roznaj stupieni ciažaru atrymała 387 čałaviek.
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju
Kamientary