Kaardynatar hramadzianskaj kampanii "Jeŭrapiejskaja Biełaruś" Źmicier Bandarenka ź miedycynskaj častki pieraviedzieny ŭ atrad kałonii № 15 Mahilova. Pra heta BiełaPAN paviedamiła jaho žonka Volha Bandarenka.
Pavodle jaje słoŭ, 20 listapada Bandarenka patelefanavaŭ joj z kałonii. "Padčas karotkaj razmovy jon paśpieŭ paviedamić, što jaho, niahledziačy na boli ŭ śpinie, viarnuli ŭ atrad. Pieravod adbyŭsia jašče 11 listapada", — skazała Volha Bandarenka.
"U jaho idzie vosieńskaje abvastreńnie, boli ŭ śpinie. Raniej u atradzie ŭ jaho byli pasłableńni, dazvalali rabić śpiecyjalnyja praktykavańni ležačy, ciapier hetaha niama, jon razam z usimi pa paŭtary hadziny staić na praviercy", — paviedamiła žonka źniavolenaha.
Jana taksama skazała, što na minułym tydni źbirałasia śpiecyjalnaja kamisija pa pytańni ab źmiakčeńni pakarańnia Bandarenku. "Jany vyrašyli, što Dźmitryj nie staŭ na šlach vypraŭleńnia, i ŭ źmiakčeńni pakarańnia jamu admoŭlena", — adznačyła Volha.
Pavodle jaje słoŭ, u razmovie ź joju Źmicier zaŭvažyŭ, što zaraz situacyja nahadvaje jamu pieršyja miesiacy aryštu. "Prasiŭ, kab my nastojvali na niezaležnym miedycynskim ahladzie", — paviedamiła žonka źniavolenaha.
Na 21—23 śniežnia ŭ jaje pryznačana doŭhaje spatkańnie z mužam.
***
Źmicier Bandarenka, asudžany za padziei 19 śniežnia na dva hady pazbaŭleńnia voli ŭ kałonii ahulnaha režymu, adbyvaje pakarańnie ŭ papraŭčaj kałonii № 15 Mahilova. Paśla aryštu ŭ Bandarenki abvastrylisia chraničnyja zachvorvańni, i 26 lipienia ŭ 5-j kliničnaj balnicy Minska jamu zrabili apieracyju na pazvanočniku.
20 žniŭnia zakončyłasia tracina terminu źniavoleńnia Bandarenki, i, zhodna z zakonam, jon mieŭ prava na źmiakčeńnie pakarańnia. Adnak u hetym jamu było admoŭlena, jak ličać rodnyja i paplečniki Źmitra, z-za nadumanych pryčyn.
Kamientary