Małady čałaviek na aŭto źbiŭ śvietłafor, ale i nie padumaŭ spynicca.
U noč na 16 śniežnia ŭ Hrodnie na skryžavańni vulic Savieckich Pahraničnikaŭ — Papoviča pjany 22-hadovy kiroŭca «Ford Śjera» ŭrezaŭsia ŭ śvietłafor.
Pry hetym małady čałaviek i nie padumaŭ spyniacca i pajechaŭ dalej. Śviedkam zdareńnia staŭ taksist. Jon pajechaŭ za aŭtamašynaj «Ford», paviedamlajučy pa telefonie dziažurnamu DAI maršrut aŭto parušalnika.
Jaho ŭdałosia zatrymać tolki na vulicy Dubko, a heta ŭ 5 kiłamietrach ad miesca zdareńnia. Sam kiroŭca ŭ vyniku DTZ nie paciarpieŭ, čaho nie skažaš ab jaho aŭtamabili.
Miedahlad pakazaŭ, što ŭtrymańnie ałkaholu ŭ vydychanym pavietry ŭ kiroŭcy skłała 2,2 pramile.Na jaho skłali 5 administracyjnych pratakołaŭ. Na pytańnie, čamu tak adbyłosia, kiroŭca tak ničoha i nie zmoh rastłumačyć. Pamiataje tolki toje, što adpačyvaŭ u restaranie, a 9-j viečara vypiŭ plašku piva, u 2 hadziny nočy sieŭ za rul, adjechaŭ, a na vulicy Dubko pa niezrazumiełaj jamu pryčynie byŭ spynieny supracoŭnikami DAI.
Kamientary