Jaje dola ŭ ahulnym abjomie spažyvańnia ałkaholu skłała 46,1%.
Pavodle źviestak Biełstata, u studzieni—listapadzie 2011 hoda realizacyja harełki pavialičyłasia na 19,3% u paraŭnańni z takim ža letašnim pieryjadam. Pradadziena 11 młn. 69,5 tys. dał harełki, jaje dola ŭ ahulnym abjomie spažyvańnia ałkaholu skłała 46,1% (u studzieni—listapadzie 2010 hoda — 42,6%).
Dola realizacyi ałkaholnaj pradukcyi ŭ ahulnym abjomie roźničnaha tavaraabarotu ŭ studzieni—listapadzie 2011 hoda skłała 10,3%. Na spažyvieckim rynku realizavana ałkaholnych napojaŭ i piva na 7,6 trłn. rubloŭ.
Piva za 11 miesiacaŭ pradadziena 31 młn. 932,5 tys. dał, što na 11,5% bolš za anałahičny letašni pakazčyk. Dola hetaha napoju ŭ ahulnym abjomie spažyvańnia ałkaholu skłała 13,3% (za studzień—listapad 2010 hoda — 13,1%).
Likiora-harełačnych vyrabaŭ realizavana 1 młn. 963,3 tys. dał (+33,6%), vinahradnych vin — 2 młn. 787,7 tys. dał (+13,5%), pładovych vin — 14 młn. 641,1 tys. dał (-6,1%). Pładovyja viny zaniali 27,4% u abjomie prodažu ałkaholnaj pradukcyi (u studzieni—listapadzie 2010 hoda — 32,2%).
Kańjaku i brendzi pradadziena 287,8 tys. dał (+28,9%), pienistych vin i šampanskaha — 1 młn. 193 tys. dał (+26,3%), słabaałkaholnych napojaŭ — 773,7 tys. dał (-32,5%).
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam15
Kamientary