AAT «Hazprom» uziało abaviazak maksimalna zahruzić hazapravody, raźmieščanyja ŭ Biełarusi. Pałažeńnie ab hetym utrymlivajecca ŭ mižuradavymbiełaruska-rasijskim pahadnieńni ab umovachkupli-prodažu akcyj i dalejšaj dziejnaści AAT «Biełtranshaz».
«AAT „Hazprom“ prykładzie namahańni dla maksimalna mahčymaj zahruzki hazapravodaŭ, raźmieščanych na terytoryi Biełarusi», — cytuje pahadnieńnie RIA Novosti.
Dakumientam ustanoŭlena, što «Biełtranshaz» budzie ažyćciaŭlać pastaŭku hazu na terytoryju Biełarusi, transparciroŭku hazu, budaŭnictva i raźvićcio hazapravodaŭ i źviazanych ź imi abjektaŭ, a taksama abjektaŭ padziemnaha zachoŭvańnia hazu ŭ krainie.
«Biełtranshaz» budzie ažyćciaŭlać štohadovaje zapampoŭvańnie pryrodnaha hazu ŭ padziemnyja schoviščy hazu ŭ abjomach,nieabchodnych dla zabieśpiačeńnia bieśpierabojnaj pastaŭki pryrodnaha hazu spažyŭcam i padtrymańnia technałahičnaha pracesu funkcyjanavańnia abjektaŭ padziemnaha zachoŭvańnia hazu.
Pradpryjemstva taksama budzie ažyćciaŭlać funkcyi zamoŭcy pry budaŭnictvie i raźvićci hazapravodaŭ i źviazanych ź imi abjektaŭ, a taksama abjektaŭ padziemnaha zachoŭvańnia hazu ŭ Biełarusi.
Vyznačana, što «Biełtranshaz» budzie ažyćciaŭlać funkcyi apieratara pa ekspłuatacyi hazapravoda Jamał — Jeŭropa na terytoryi Biełarusi, inšych dziejnych i novych stvoranych mahistralnych hazapravodaŭ.
***
Nahadajem, dakumient ab kupli 50% akcyj AAT «Biełtranshaz» byŭ padpisany «Hazpromam» i Dziaržkamitetam pa majomaści Biełarusi 25 listapada ŭ Maskvie. Takim čynam, «Hazprom» staŭ uładalnikam 100% akcyj biełaruskaj kampanii: pieršyja 50% akcyj «Biełtranshaza» rasijski hazavy manapalist vykupiŭ dolami na praciahu 2007–2010 hadoŭ.
«Hazprom» užo paviedamiŭ ab pryniatym rašeńni pierajmienavać «Biełtranshaz» u «Hazprom transhaz Biełaruś».
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1111
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata11
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary