U Breście adkryŭsia mižnarodny fiestyval kłasičnaj muzyki
Na cyrymonii adkryćcia XXIV Mižnarodny fiestyval kłasičnaj muzyki «Studzieńskija muzyčnyja viečary» 9 studzienia, jakaja adbyłasia ŭ Bresckim akademičnym teatry dramy, staršynia abłasnoha vykanaŭčaha kamiteta Kanstancin Sumar adznačyŭ, što heta štohadovaja padzieja tradycyjna znachodzić vodhuk jak u prychilnikaŭ kłasičnaj muzyki, tak i ŭ viadomych vykanaŭcaŭ z roznych krain. Pryčym niekatoryja ź ich užo nie raz pryjazdžali na «Studzieńskija muzyčnyja viečary», u tym liku viadomy skrypač, narodny artyst SSSR Zachar Bron i salist Vialikaha teatra Rasii, narodny artyst Hruzinskaj SSR, narodny artyst SSSR Zurab Satkiłava.
«Dla nas heta pakazčyk taho, što ŭdzielnikam fiestyvalu pa dušy atmaśfiera, jakaja panuje ŭ hetaj zale, i tvorčy duch „Studzieńskich muzyčnych viečaroŭ“. Hety fiestyval pakazaŭ zdolnaść abjadnoŭvać kultury roznych krain», — padkreśliŭ Sumar.
U pieršym viačernim kancercie fiestyvalu 9 studzienia vystupili:Dziaržaŭny akademičny simfaničny arkiestr Respubliki Biełaruś (mastacki kiraŭnik i hałoŭny dyryžor — narodny artyst Biełarusi, łaŭreat Dziaržaŭnaj premii Respubliki Biełaruś, zasłužany dziejač mastactvaŭ Rasii Alaksandr Anisimaŭ), junaja skrypačka Monie Chatory (Japonija) — uładalnik pieršaj premii XI Mižnarodnaha konkursu junych skrypačoŭ im. H. Vianiaŭskaha, pieršaj premii Konkursu mastactvaŭ Japonii; salist Vialikaha teatra Rasii Zurab Satkiłava (tenar); chor «Trynitacis» (Niderłandy), arkiestr narodnych instrumientaŭ Mahiloŭskaj abłasnoj fiłarmonii (mastacki kiraŭnik i hałoŭny dyryžor Mikałaj Ałdanaŭ), hruzinskaja śpiavačka, łaŭreat mižnarodnych konkursaŭ Maryna Načkiebija (saprana).
U XXIV Mižnarodnym fiestyvali kłasičnaj muzyki «Studzieńskija muzyčnyja viečary», jaki projdzie 9–12 studzienia, voźmuć udzieł muzykanty i vakalisty z 12 krain:Hiermanii, Hruzii, Kitaja, Litvy, Małdovy, Niderłandaŭ, Polščy, Rasii, Ukrainy, Šviejcaryi, Japonii i Biełarusi.
Na muzyčnym forumie, u afišy jakoha šedeŭry zachodniejeŭrapiejskaj, ruskaj i biełaruskaj muzyki, zapłanavana 13 kancertaŭ (dzionnych i viačernich).
11 studzienia ŭ miežach fiestyvalu adbudziecca tradycyjny Kaladny bal. Jon projdzie ŭ Bresckim akademičnym teatry dramy.
Arhanizatary fiestyvalu — Brescki abłvykankam i harvykankam, Ministerstva kultury, Biełaruski sajuz muzyčnych dziejačaŭ i Bresckaje abłasnoje muzyčnaje hramadstva.
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary