Nacbank zaćvierdziŭ rašeńnie ab vypusku kupiury naminałam u 200 tysiač
Nacyjanalny bank Biełarusi zaćvierdziŭ rašeńnie ab vypusku kupiury naminałam 200 tysiač biełaruskich rubloŭ. Adpaviednaja pastanova praŭleńnia hałoŭnaha banka krainy № 31 «Ab vypusku ŭ abaračeńnie banknoty Nacyjanalnaha banka Respubliki Biełaruś uzoru 2000 hoda naminałam 200 000 rubloŭ» pryniata 31 studzienia 2012 hoda.9 lutaha dakumient zarehistravany ŭ nacyjanalnym rejestry pravavych aktaŭ, paviedamili ŭ Nacbanku.
Jak paviedamlała staršynia praŭleńnia Nacbanka Nadzieja Jermakova, kupiuru naminałam 200 tysiač rubloŭ płanujecca vypuścić u abaračeńnie ŭ pieršym kvartale 2012 hoda. Na joj budzie vyjaŭleny «adzin z tvoraŭ biełaruskaj architektury». Jaki mienavita, u Nacbanku da ŭvodu novaj kupiury ŭ abaračeńnie nie raskryvajuć.
1 studzienia 2000 hoda ŭ Biełarusi byli ŭviedzienyja ŭ abaračeńnie novyja banknoty Nacbanka naminałam 1, 5, 10, 20, 50, 100, 500, 1.000 i 5.000 rubloŭ, u 2001 hodzie — 10.000 rubloŭ, u 2002 hodzie — 20.000 i 50.000 rubloŭ, a ŭ 2005 hodzie — 100.000 rubloŭ.
Na siońnia kupiura ŭ 100 tysiač rubloŭ zastajecca bujnoj ź biełaruskich kupiur, što znachodziacca ŭ abaračeńni, i ekvivalentnaja 12 dołaram ZŠA pa biahučym kursie, u toj čas jak da trochrazovaj devalvacyi, jakaja adbyłasia na praciahu 2011 hoda, była ekvivalentnaja 33 dołaram ZŠA.
Kupiura naminałam 200 tysiač biełaruskich rubloŭ stanie samaj bujnoj i budzie ekvivalentnaja prykładna 25 dołaram ZŠA.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB1
Kamientary