Heta parki, dziciačyja placoŭki, dzie ŭłady źbirajucca raspačynać budoŭlu, parušajučy takim čynam pravy žycharoŭ.
Zaraz na karcie značacca kala 50 abjektaŭ. Siarod ich – Park 40-hodździa kastryčnika, dzie pad uźviadzieńnie hatela «Piekin» vysiakali drevy. Pra inšyja abjekty paviedamili minčuki praz «haračuju liniju» i asabistyja sustrečy.
«Prablemnaja karta» stvorana ŭ miežach novaha prajektu «Budkantrol», prezientacyja jakoha adbyłasia siońnia na ofisie hramadzianskaj kampanii «Havary praŭdu» ŭ Minsku.
Ideja «Budkantrolu» - ažyćciaŭlać hramadski kantrol nad budaŭničymi prajektami, pradstaŭlać intaresy miascovych žycharoŭ, pravy jakich moža parušyć peŭnaja budoŭla.
Dla hetaha treba stvaryć śpiecyjalnuju kamisiju, jakaja b zahadzia paviedamlała ludziam pra płany zabudoŭščykaŭ. A dapamahać miascovym žycharam adstojvać svaje intaresy buduć jurysty «HP».
«Kali naša dziaržava zvyčajna vykarystoŭvaje samyja strohija miery ŭ dačynieńni da luboha biznesa, to tut [u halinie budaŭnictva -- "NN"] čamuści maŭčyć», -- kaža adzin z kaardynataraŭ Juraś Sałodki.
Andrej Dźmitryjeŭ nie ličyć, što jašče adzin «kantrol» -- hramadski, budzie zališnim.
«U nas chapaje ŭsiakaha kantrolu, aproč hałoŭnaha – kantrolu hramadzian za uładaj».
Na jaho dumku, varta stvaryć ahulny «Budaŭničy kodeks», jaki b abjadnaŭ roznaha kštałtu akty i ŭkazy. Kab vynieści pytańnie pra stvareńnie takoha narmatyŭna-pravavoha akta na paviestku dnia pałaty pradstaŭnikoŭ, jano pavinna čaściej uzdymacca ŭ hramadstvie.
«My budziem sustrakacca z kožnym deputatam Minharsavieta. Z kožnym my hetuju temu abhavorym…Taksama my pastajanna budziem dasyłać adpaviednyja zvaroty paŭsiul, pravodzić kanfierencyi. Nam nieabchodna prosta aktualizavać hetuju temu»,kaža Dźmitryjeŭ.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary