Kłuni, jaho baćka i niekalki kanhresmienaŭ byli aryštavanyja ŭ piatnicu ranicaj u Vašynhtonie paśla mitynhu la ambasady Sudana.
Dziarždepartament ZŠA padzialaje zaniepakojenaść Džordža Kłuni za situacyju ŭ Sudanie i ličyć, što akcior skarystaŭsia svaich hramadzianskich pravam, pryniaŭšy ŭdzieł u mitynhu kala ambasady hetaj krainy.
Kłuni, jaho baćka i niekalki kanhresmienaŭ byli aryštavanyja ŭ piatnicu ranicaj u Vašynhtonie paśla mitynhu la ambasady Sudana. Pratestoŭcy praihnaravali try papiaredžańni palicyi ab niedapuščalnaści pierasiačeńnia raźmieščanych la ambasady zaharodak, paśla čaho achoŭniki paradku nadzieli na ich kajdanki i praviali ŭ mikraaŭtobus Sakretnaj słužby.
«My absalutna padzialajem zaniepakojenaść hvałtam u Sudanie — spadar Kłuni ŭčora sustrakaŭsia ź dziaržsakratarom i prezidentam ZŠA», — cytuje Nułand RIA «Naviny».
Aktyvisty vinavacili prezidenta Sudana Amara Bašyra ŭ padtrymańni humanitarnaha kryzisu na miažy z Paŭdniovym Sudanam i ŭ pieraškadžańni dastaŭcy praduktaŭ i miedykamientaŭ.
Praz hadzinu ź nievialikim zatrymanyja byli adpuščanyja paśla vypłaty štrafu za niepadparadkavańnie palicyi ŭ pamiery $ 100.
Ciapier čytajuć
Prakuror prosić dla eks-pamočnika Łukašenki Ihara Bryło 12 hadoŭ źniavoleńnia4
Kamientary