Domračava: Ja abaraniaju kolery čyrvona-zialonaha ściaha + fota
Prablemy z patronami dla zbornaj usio jašče nie vyrašylisia.
Paśla doŭhaha i ŭdałaha siezona bijatłanistka Darja Domračava viarnułasia ŭ Biełaruś. Za jaje plačyma dva miedali pieršynstva śvieta, druhoje miesca ŭ ahulnym zaliku Kubka śvieta, a taksama dva małych «Kryštalnych hłobusy» za pieramohi ŭ mas-starcie i pahoni.
Minijaturnaja Darja źziała va ŭśmiešcy. U rukach jana niesła abodva «hłobusy». Biełaja błuzka i palčatki, čornaja spadnica, zavušnicy z kamieńčykam. Stomy paśla doŭhaha siezona nie adčuvajecca, chacia jana, viadoma, jość. Potym spartsmienka pryznajecca, što maryć ab adpačynku.
Havaryć samoj Darji nie nadta chočacca. Paru frazaŭ: «Dziakuj za padtrymku». I prapanuje zadavać pytańni.
Niemka Mahdalena Nojnier u hetym siezonie ŭsio ž apiaredziła Darju ŭ ahulnym zaliku. «Nijaki čarviačok nie točyć. Napieradzie jašče siezon. Prahres zaŭvažny».
I ŭsio ž, čamu Nojnier zastałasia niepieramožanaj, u čym plusy Leny. Darja doŭha dumaje nad pytańniem. «Z Nojnier pryjemna supierničać i zmahacca. Dzie jana vyjhrała hetyja 28 punktaŭ treba hladzieć».
Kali ŭžo skančvać temu supiernicy, to sioleta Nojnier raźvitałasia ź bijatłonam. «Kavy ź joj tak i nie vypili. Ale Lena paabiacała, što budzie ŭ nastupnym siezonie naviedvać honki. Budzie biez nas sumavać, jak i my bieź jaje».
«Šalonaj radaści, što jana sychodzić u mianie niama. Dumaju, naša zmahańnie prynosiła šmat zadavalnieńnie balelščykam», — kaža Domračava.Druhoje pytańnie, jakoje chvalavała mnohich, što budzie ŭ nastupnym siezonie z patronami dla spartsmienaŭ, što trapili pad embarha Jeŭrasajuza. Niamieckaje pradstaŭnictva finskaj kampanii Lapua nie atrymała dazvołu vykanać zamovu.
Sama spartsmienka adkazvać na heta nie advažyłasia, pieraadrasaŭšy trenieru Adryjanu Cybulskamu.
«Situacyja niaprosta. Šmat prablem nam dastaviła. Jana jašče nie vyrašanaja, ale spadziajusia chutka vyrašycca. Nie mahu pakul skazać, jakija heta buduć patrony, rasijskija ci niejkija jašče».
Siońnia honar biełaruskaha sporta — heta ŭ pieršuju čarhu Domračava i tenistka Azaranka. Nie abyšłosia biez pytańnia, ci znajomyja jany.
«Bolšuju častku hoda my pravodzim na ekranach televizaraŭ, — adžartavałasia Daša. — Ź Vikaj my bačylisia tolki adnojčy, na bali prezidenta. Jana pryjemnaja dziaŭčyna. Balejem za jaje, hanarymsia».
Trenier rasijskaj zbornaj niemiec Volfhanh Pichler u chodzie siezona abvinavaciŭ Domračavu ŭ prymianieńni dopinha. «Kryŭdy niama na Pichlera. Takija słovy vyklikajuć škadobu. Viadoma, što ŭ Pichlera jość prablemy ŭ pracy. Paśla padobnaj zajavy ja chacieła pahladzieć jamu ŭ tvar, ale jon skazaŭ, što heta pamyłki presy».
Adkaz na pytańnie «NN», što adčuvaje Darja, kali bačyć na trybunach
«Zaŭsiody pryjemna adčuvać padtrymku. Ja abaraniaju kolery
«Ja nie adčuvaju źmienaŭ u staŭleńni da mianie, — kaža Daša pra reakcyi na jaje pośpiechi z boku bijatłonnaj tusoŭki. — Ja baču, što mnohija śpiecyjalisty staviać maju łyžnuju techniku ŭ prykład».
Naprykancy Domračava pryznałasia, što maryć pasprabavać siabie ŭ łyžnych honkach. Prykład Tory Bierhier dla jaje źjaŭlajecca natchnialnym. Ale naŭrad tut havorka pra pierachod u łyžy. Chutčej, uziać udzieł u niekalkich honkach.
Kali ŭžo pytańni skončylisia słova paprasiŭ stały mužčyna, jaki pryznaŭsia Darji ŭ kachańni. Kazaŭ, što molicca za jaje pośpiechi, a trenieram paraiŭ padściłać kilimčyki na finišach, kab bijatłanistka nie padała ŭ śnieh.
Kamientary