U Biełarusi budzie stvorana adrasnaja sistema, jakaja ŭklučaje infarmacyju ab adrasach abjektaŭ nieruchomaj majomaści, a taksama ab nazvach i miežach abłaściej, rajonaŭ, sielsavietaŭ i nasielenych punktaŭ. Adpaviedny ŭkaz № 160 «Ab adrasnaj sistemie» Alaksandr Łukašenka padpisaŭ 9 krasavika.
Stvareńnie hetaj sistemy daść mahčymaść zabiaśpiečyć adnolkavaść adrasnaj infarmacyi pry vykanańni dziaržaŭnymi orhanami ŭskładzienych na ich funkcyj, vyklučyć najaŭnaść adnolkavych adrasoŭ u roznych abjektaŭ nieruchomaj majomaści. Heta taksama daść mahčymaść uklučać u sistemu adrasoŭ infarmacyju ab miescaznachodžańni nie tolki zarehistravanaj nieruchomaj majomaści, ale i niezarehistravanych abjektaŭ (dla hetych met praduhledžvajecca praviadzieńnie raboty pa sistematyčnamu prysvajeńniu adrasoŭ).
Pry hetym źmianieńnie adrasoŭ nie zapatrabuje ŭniasieńnia adpaviednych źmianieńniaŭ va ŭstanoŭčyja dakumienty jurydyčnych asob i paśviedčańni ab dziaržaŭnaj rehistracyi jurydyčnych asob i indyvidualnych pradprymalnikaŭ, śpiecyjalnyja dazvoły (licenzii), dakumienty ab rehistracyi hramadzian pa miescy žycharstva i miescy znachodžańnia, inšyja dakumienty, jakija źmiaščajuć źviestki ab ich miescy žycharstva, miescy znachodžańnia i (abo) ab adrasie. Takija źmianieńni buduć unosicca ŭ dakumienty adnačasova z uniasieńniem u ich inšych źmianieńniaŭ u vypadkach, praduhledžanych zakanadaŭstvam.
Orhanam, jaki zabiaśpiečvaje stvareńnie i viedańnie adrasnaj sistemy, ukazam vyznačajecca Dziaržaŭny kamitet pa majomaści.
Kamientary