Zabałociec: U doŭhaterminovaj perspektyvie intaresy Biełarusi źviazany z adzinaj Eŭropaj
Biełaruś pazityŭna stavicca da farmiravańnia abjadnanaj Jeŭropy. Pašyreńnie ES budzie mieć značnaje pazityŭnaje ŭździejańnie na Biełaruś. Ab hetym zajaviŭ siońnia namieśnik staršyni Pałaty pradstaŭnikoŭ biełaruskaha parłamienta Siarhiej Zabałociec na adkryćci sieminara «Vyvučeńnie mahčymaściej dla Respubliki Biełaruś u ramkach Jeŭrapiejskaj palityki susiedstva». Mierapryjemstva prachodzić u Minsku. Jano arhanizavana delehacyjaj Nacyjanalnaha schodu Biełarusi ŭ PA ABSIE sumiesna z rabočaj hrupaj PA ABSIE pa Biełarusi.
Pakolki ŭ Biełarusi ekanomika ekspartaaryjentavanaja, ciesnyja ekanamičnyja kantakty ź Jeŭrasajuzam majuć usio bolšaje značeńnie dla Biełarusi. «Znachodziačysia ŭ centry Jeŭropy, my bačym šanc intensiŭnaha ŭzajemadziejańnia z adnaho boku z Rasijaj, a z druhoha boku ź ES. My chočam, kab hranica ź Jeŭrasajuzam nas abjadnoŭvała, a nie raźjadnoŭvała», — skazaŭ Siarhiej Zabałociec.
Biełaruski palityk ličyć, što tolki ŭzajemnyja sustrečy, pošuk kampramisaŭ jość ruch napierad. Na jaho dumku, nieabchodna vieści pošuk nie prosta ahulnych padychodaŭ, a realizoŭvać kankretnyja prajekty pa supracoŭnictvu. Jon dadaŭ, što sieminar, jaki prachodzić u Minsku, — čarhovy krok u raźvićci ŭzajemadziejańnia pamiž biełaruskimi i jeŭrapiejskimi parłamientaryjami.
Źniešniaja palityka Biełarusi šmatviektarnaja. Naša dziaržava miralubnaja i zacikaŭlena ŭ supracoŭnictvie z usimi krainami, u tym liku i z susiedziami ŭ Jeŭropie. «U doŭhaterminovaj pierśpiektyvie intaresy Biełarusi nieparyŭna źviazany z farmiravańniem adzinaj Jeŭropy», — padkreśliŭ vice‑śpikier.
Siarhiej Zabałociec adznačyŭ, što siońnia, «na žal, u ES skłalisia adarvanyja ad rečaisnaści stereatypy Biełarusi», ich nieabchodna razburać.
«My, moža być, nie pryjdziem siońnia da zhody pa ŭsich pytańniach, ale biełaruskija parłamientaryi majuć namier pradoŭžyć šukać šlachi dyjałoha ź jeŭrapiejskimi kalehami», — reziumavaŭ Siarhiej Zabałociec.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary