Paŭnočnaja Kareja vystupiła z pahrozami ŭ adras kiraŭnictva Paŭdniovaj Karei, jakoje, jak miarkujuć u KNDR, abraziła Kim Čen Yna.
Zajava Pchieńjana stała reakcyjaj na abviaščeńnie Paŭdniovaj Karejaj infarmacyi pra vializnyja vydatki Pchieńjana na abaronu i vajennyja parady, na jakija kiraŭnictva KNDR idzie, niahledziačy na hoład u krainie.
«Tyja, chto advažylisia na pravakacyju ŭ adras niedatykalnaj KNDR, pavinny pamiatać, što jany nie zmohuć paźbiehnuć surovaha pakarańnia», — havorycca ŭ zajavie pradstaŭnika Viarchoŭnaha kamandavańnia Karejskaj narodnaj armii, jakoje raspaŭsiudziła aficyjnaje infarmahienctva CTAK.
Adznačajecca, što Paŭnočnaja Kareja budzie «vieści śviatuju vajnu, kab da apošniaha čałavieka źniščyć žmieńku zdradnikaŭ».
«Navat kali samaje serca Sieuła słužyła bazaj dla pravakacyj, jakija abražajuć hodnaść vyšejšaha kiraŭnictva KNDR, KNDR prymie śpiecyjalnyja miery, kab padarvać tam usio», — havorycca ŭ zajavie.
Jak stała viadoma paŭdniovakarejskaj vyviedcy, niaŭdały zapusk Pchieńjanam rakiety dalokaha radyusu dziejańnia
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary