U adnosinach Biełarusi z Zachadam «akreślilisia peŭnyja tendencyi i pracesy, jakija pavinny vyśpieć». Pra heta zajaviŭ 3 maja na bryfinhupres-sakratar biełaruskaha MZS Andrej Savinych u adkaz na prośbu žurnalistaŭ prakamientavać fakt viartańnia ŭ Minsk pasłoŭ krain Jeŭrasajuza.
«Ja dumaju, što apošnim časam my havorym dastatkova šmat pa hetym pytańni», — zajaviŭ Savinych. I dadaŭ: «My ŭ svoj čas vierniemsia da abmierkavańnia hetaj temy».
Nahadajem, na praciahu apošniaha tydnia ŭ Minsk viarnulisia pasły krain Jeŭrasajuza, jakija pakinuli biełaruskuju stalicu ŭ vyniku dypłamatyčnaha skandału. Jon zdaryŭsia paśla taho, jak biełaruskija ułady 28 lutaha rekamiendavali kiraŭnikam pradstaŭnictva ES i pasolstva Polščy vyjechać ź Biełarusi dla kansultacyj sa svaim kiraŭnictvam. Biełaruskija pasły byli adklikany z Varšavy i Brusiela. Na taki krok Minsk pajšoŭ paśla pryniaćcia Savietam ministraŭ ES rašeńnia ab pašyreńni sankcyj u dačynieńni da Biełarusi. U znak salidarnaści sa svaimi kalehami ŭ kancy lutaha — pačatku sakavika Biełaruś pakinuli ŭsie pasły krain Jeŭrasajuza.
***
23 krasavika Saviet ministraŭ zamiežnych spraŭ ES abmierkavaŭ biełaruskaje pytańnie na pasiadžeńni ŭ Luksiemburhu. Pryvitaŭšy vyzvaleńnie apazicyjnych palitykaŭ Andreja Sańnikava i Dźmitryja Bandarenki (palitźniavolenyja byli vyzvaleny 14–15 krasavika), členy savieta padkreślili nieabchodnaść vyzvaleńnia i reabilitacyi ŭsich palitźniavolenych.
Pavodle infarmacyi polskaha ahienctva PAP, na pasiadžeńni ministr zamiežnych spraŭ Litvy Aŭdronius Ažubalis vykazaŭ aściarohu, što viartańnie pasłoŭ u Minsk moža być vykarystana Alaksandram Łukašenkam ŭ prapahandysckich metach. Litoŭski ministr prapanavaŭ ES vystupić z zajavaj nakont viartańnia dypłamataŭ u Biełaruś, adnak hetaja inicyjatyva nie znajšła padtrymki ŭ inšych jeŭrapiejskich ministraŭ.
Jeŭrapiejskija pasły pačali viartacca ŭ Minsk 25 krasavika. Ad kamientaryjaŭ jany admaŭlajucca.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary