Top najlepšych tvitaŭ Kim Čen Yna, paŭnočnakarejskaha lidara, bliskučaha tavaryša i hienija siarod hienijaŭ u vajennaj stratehii.
Žartaŭniki stvaryli fejkavy tvitar Kim Čen Ynu. Stvareńnie padrobnyjach akaŭntaŭ viadomych palitykaŭ u sacyjalnych sietkach užo stała suśvietnaj praktykaj. Zvyčajna jany chutka robiacca papularnymi, ale ź ciaham času zahruvaščvajucca i hublajuć aktualnaść. Niekatoryja, adnak, žyvuć doŭha, jak, naprykład, «tvitary» Anhieły Mierkiel, Dźmitryja Miadźviedzieva ci Hienry Kisindžera. Ale najlepšym varta pryznać fejkavy tvitar Kim Čen Yna, jaki mienš čym za paŭhoda zajmieŭ bolš čym 100 000 fałovieraŭ.
Jak kožny lidar dziaržavy, «Kim Čen Yn» piša šmat pra siabie i svoj narod:
Ad taho času jak ja staŭ Viarchoŭnym Lidaram, ja stvaryŭ 500 000 pracoŭnych miescaŭ. Sakret u tym, što nie abaviazkova treba płacić ludziam.
Ad studzienia maju bolš za 100 000 fałovieraŭ, nie ŭličvajučy 24 miljony, u jakich niama vybaru.
Ja byŭ zvyčajnym biespracoŭnym, žyŭ doma. Ciapier u mianie jość jadziernaja zbroja. Usio kruta, joŭ!
Ci vyhladaju ja toŭstym na fonie svajho narodu?
U fejkavym tvitary mnoha dopisaŭ na temu niaŭdałaha pusku rakiety:
Apošniaja prapanova: my admianiajem zapusk jadziernaj rakiety u abmien na IPad 3.
Maja rakieta nie ŭźlacieła. Ja klanusia, takoha nikoli nie byvała raniej.
Rakieta vyhladała vielmi salidna, kali ja pabačyŭ jaje ŭ IKEA.
Pytańnie etykietu: kali tvaja rakieta padaje, ci abaviazany ty i dalej karmić navukoŭcaŭ?
Apošni raz ja nabyvaŭ rakietu praz eBay!
I, viadoma, mižnarodnyja naviny:
Tolki što naniaŭ troch zvolnienych čuvakoŭ z amierykanskaj Sakretnaj Słužby, kab jany dapamahli mnie znajści žančyn, joŭ!
Pucin atrymaŭ 59%. Viedajecie, jak ja heta nazyvaju? Čas aryštavać 41%!
Vyhladaje, što Birma ruchajecca ŭ bok demakratyi. Cialaty!
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje13
Kamientary