Padpisany dekret ab stymulavańni pradprymalnickaj dziejnaści na terytoryi siarednich, małych haradskich pasieliščaŭ, u sielskaj miascovaści.
U Biełarusi buduć pryniaty miery pa stymulavańni pradprymalnictva ŭ sielskaj miascovaści, siarednich i małych haradskich pasieliščach. Adpaviedny dekret № 6 «Ab stymulavańni pradprymalnickaj dziejnaści na terytoryi siarednich, małych haradskich pasieliščaŭ, sielskaj miascovaści» Alaksandr Łukašenka padpisaŭ 7 maja.
Dekret pryniaty ŭ metach stvareńnia jašče bolš spryjalnych umoŭ dla raźvićcia biźniesu ŭ rehijonach, stymulavańnia dziełavoj inicyjatyvy hramadzian, naroščvańnia ekspartnaha patencyjału Biełarusi.
Dakumient uklučaje pałažeńni dekretaŭ ad 20 śniežnia 2007 hoda № 9 «Ab niekatorych pytańniach rehulavańnia pradprymalnickaj dziejnaści ŭ sielskaj miascovaści» i ad 28 studzienia 2008 hoda numar 1 «Ab stymulavańni vytvorčaści i realizacyi tavaraŭ (rabot, pasłuh)».
Dziejańnie dekreta budzie raspaŭsiudžvacca na terytoryi siarednich, małych haradskich pasieliščaŭ, sielskaj miascovaści.
Praduhledžvajecca vyzvaleńnie kamiercyjnych arhanizacyj, indyvidualnych pradprymalnikaŭ, jakija ažyćciaŭlajuć dziejnaść pa vytvorčaści tavaraŭ (vykanańniu rabot, akazańniu pasłuh) na hetaj terytoryi, na praciahu siami kalandarnych hadoŭ z dnia ich dziaržaŭnaj rehistracyi ad vypłaty padatku na prybytak i padachodnaha padatku, padatku na nieruchomuju majomaść,dziaržaŭnaj pošliny za vydaču śpiecyjalnaha dazvołu (licenzii) na ažyćciaŭleńnie asobnych vidaŭ dziejnaści, ad abaviazkovaha prodažu valutnaj vyručki, adličeńniaŭ u inavacyjnyja fondy, a taksama ad abaviazkovaha zaklučeńnia ździełak na biržavych tarhach AAT «Biełaruskaja ŭniviersalnaja tavarnaja birža» pry nabyćci syraviny, kamplektujučych i materyjałaŭ dla ŭłasnaj vytvorčaści i ažyćciaŭleńni źniešniaha handlu tavarami ŭłasnaj vytvorčaści.
Anałahičnaje prava pradastaŭlajecca adasoblenym padraździaleńniam kamiercyjnych arhanizacyj Respubliki Biełaruś, jakija stvorany i ažyćciaŭlajuć dziejnaść pa vytvorčaści tavaraŭ (vykanańniu rabot, akazańniu pasłuh) na terytoryi siarednich, małych haradskich pasieliščaŭ, sielskaj miascovaści i majuć asobny bałans.
Dekretam praduhledžana adčužeńnie isnujučych u dziaržaŭnaj ułasnaści i raźmieščanych na terytoryi siarednich, małych haradskich pasieliščaŭ, sielskaj miascovaści kapitalnych pabudoŭ (budynkaŭ, zbudavańniaŭ),niezavieršanych zakansiervavanych kapitalnych budynkaŭ, niezavieršanych niezakansiervavanych kapitalnych budynkaŭ biez prodažu prava zaklučeńnia dahavora arendy ziamielnaha ŭčastka, nieabchodnaha dla absłuhoŭvańnia adčužalnaj majomaści, kali taki ziamielny ŭčastak pradastaŭlajecca pakupniku majomaści ŭ arendu. Pry hetym ziamielny ŭčastak pradastaŭlajecca ŭ arendu pakupniku majomaści biez praviadzieńnia aŭkcyjonu i spahnańnia płaty za prava zaklučeńnia dahavora arendy.
Taksama praduhledžvajecca pradastaŭleńnie pakupniku (pa jaho piśmovaj zajavie) rasterminoŭki apłaty majomaści (u tym liku budynkaŭ i pamiaškańniaŭ), što nabyvajecca im dla arhanizacyi ŭłasnaj vytvorčaści tavaraŭ (vykanańnia rabot, akazańnia pasłuh) i ich realizacyi, na termin, paznačany ŭ zajavie, ale nie bolšy za piać hadoŭ z dnia zaklučeńnia dahavorasa štomiesiačnaj indeksacyjaj płaciažoŭ i vykanańniem inšych patrabavańniaŭ, praduhledžanych zakanadaŭstvam ab rasparadžeńni dziaržaŭnaj majomaściu.kupli-prodažu ,
Arhanizacyi i indyvidualnyja pradprymalniki, jakija akazvajuć transpartnyja pasłuhi, buduć mieć prava prymianiać pałažeńni dekreta tolki pry ŭmovie, kali punkty adpraŭleńnia (pahruzki) i (abo) naznačeńnia (razhruzki) raźmieščany na terytoryi siarednich, małych haradskich pasieliščaŭ, sielskaj miascovaści. Pry hetym transpartnyja srodki, jakija vykarystoŭvajucca imi dla akazańnia pasłuh, pavinny być zarehistravany va ŭstanoŭlenym paradku ŭ orhanach Dziaržaŭtainśpiekcyi MUS na nazvanaj terytoryi.
Akramia taho, praduhledžana vyzvaleńnie ad abkładańnia ŭvaznymi mytnymi pošlinami i padatkam na dabaŭlenuju vartaść tavaraŭ,što ŭvoziacca na terytoryju Biełarusi ŭ jakaści ŭkładu ŭ statutnyja fondy kamiercyjnych arhanizacyj, zarehistravanych na terytoryi siarednich, małych haradskich pasieliščaŭ, sielskaj miascovaści, i pavieličeńnie terminu dziejańnia pradastaŭlajemych ilhot na nazvanyja tavary z troch da piaci hadoŭ.
Praduhledžany dekretam paradak ažyćciaŭleńnia pradprymalnickaj dziejnaści na nazvanych terytoryjach budzie sadziejničać pavyšeńniu pryvabnaści invieściravańnia ŭ ekanomiku respubliki, likvidacyi administracyjnych barjeraŭ, raźvićciu impartazamiaščalnych vytvorčaściej, pavyšeńniu ekanamičnaha patencyjału rehijonaŭ i ekanomiki ŭ cełym, stvareńniu novych rabočych miesc i pavyšeńniu ŭzroŭniu žyćcia ludziej.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary