«Revalucyja» skłałasia za adzin viečar, u lutym 2006, u razhar zapałochvańnia i baraćby z pacukami.
Hurt «Band A» prezentuje ŭ novym tury na «Tuzinie Hitoŭ» pieśniu «Revalucyja», jakaja hučała letaś na «Adboryščy», «Basoviščy» i feście «Pieśni Svabody». «Revalucyja» skłałasia za adzin viečar, u lutym 2006, u razhar zapałochvańnia i baraćby z pacukami. Za hod pieśnia čatyry razy źmianiła aranžyroŭku: była brutalnaja, była ślaźlivaja, była patasnaja, była minimalistyčnaja. I ŭsio nia toje. Słovam, mučylisia ź joj. A pryjšli na studyju — i pieśnia pajšła…»
«Band A» — novaje imia na biełaruskaj rok-scenie, ale sama kamanda vystupaje ŭžo dziasiaty hod. Raniej jany nazyvalisia «Cmoki» i zdabyli papularnaść pieśniaj «Dzieci», što ŭvajšła na adnu ź pieršych ajčynnych rok?składanak «Volnyja tancy». Ale paśla niekalkich udałych kancertaŭ, «Cmoki» źnikli z muzyčnaha dalahladu: «Hetaja nazva cisnuła na nas. — Cmoki — heta ž takija vializnyja lanivyja źviary. Tak i naš hurt moh, vobrazna kažučy, lažać na piečy tryccać i try hady, repetavać sabie pacichu, nikudy nie vyłaziačy. U niejki momant taki sposab žyćcia pierastaŭ nas zadavalniać», — raspaviadajuć zasnavalniki hurta.
Letaś hurt aktyvizavaŭsia, ale ŭžo pad inšaj nazvaj — «Band A». Jany ŭziali ŭdzieł u adbry na «Basovišča» i trapili ŭ konkursnuju častku festyvalu, adyhrali svoj set na feście «Pieśni Svabody» na Banhalor. Adzin z novych hitoŭ – pieśniu «Revalucyja» — hurt i prezentuje da ŭvahi naviednikam «Tuzina Hitoŭ».
Ciapier čytajuć
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy18
Kamientary