Padpisańnie pahadnieńnia pamiž Biełaruśsiu i Rasijaj ab handlovym supracoŭnictvie adkładziena
Pra heta paviedamiŭ žurnalistam namieśnik ministra ekanamičnaha raźvićcia i handlu Rasii Vital Savieljeŭ.
Namiečanaje na siońnia padpisańnie mižuradavaha pahadnieńnia pamiž Biełaruśsiu i Rasijaj pa raźvićciu handlova‑ekanamičnaha supracoŭnictva adkładziena. Ab hetym paviedamiŭ žurnalistam namieśnik ministra ekanamičnaha raźvićcia i handlu Rasii Vital Savieljeŭ.
Pavodle jaho słoŭ, biełaruski bok da ŭžo parafiravanaha prajekta pahadnieńnia ŭnios šerah prapanoŭ, jakija, adznačyŭ jon, istotna źmianiajuć dakumient. U pryvatnaści, paviedamiŭ Vital Savieljeŭ, biełarusi bok prapanavaŭ admianić mytnaje afarmleńnie pa niekatorych hrupach tavaraŭ. Namieśnik ministra padkreśliŭ, što heta prapanova patrabuje ŭzhadnieńnia ź Fiederalnaj mytnaj słužbaj Rasii.
Akramia taho, skazaŭ Vital Savieljeŭ, va ŭžo parafiravanym pahadnieńni ŭ šerahu jaho punktaŭ nazvany terminy vykanańnia , jakija z‑za zaciahnutaha pracesu padpisańnia dakumienta nie mohuć być vykanany, što taksama patrabuje ŭniasieńnia źmianieńniaŭ.
Namieśnik ministra ekanamičnaha raźvićcia i handlu Rasii padkreśliŭ, što prapanovy biełaruskaha boku patrabujuć pahłyblenaj prapracoŭki na ekśpiertnym uzroŭni. «Ekśpierty pačali pracavać praktyčna ź siońniašniaha dnia», — dadaŭ jon.
Kamientary