Rasija naroščvaje ekspart lehkavych aŭtamabilaŭ u Biełaruś

Što da lehkavych aŭtamabilaŭ, to tut vidavočna bačny ŭchił u bok impartu z Rasii.

Tak, za pieršyja try miesiacy hetaha hoda ŭ krainu było ŭvieziena ahułam 13,4 tys. aŭtamabilaŭ na ahulnuju sumu 157,7 młn dalaraŭ. Dla paraŭnańnia, za studzień-luty impart lehkavych aŭtamabilaŭ skłaŭ 7,1 tys. aŭtamabilaŭ na amal 91,1 młn dalaraŭ. Jak bačna, za sakavik impart lehkavych aŭtamabilaŭ surjozna pavialičyŭsia.

Pry hetym z krain SND u Biełaruś zavieźli 1723 aŭtamabili ahulnym koštam amal 19,9 młn dalaraŭ. Cikava, što z Rasii było ŭvieziena 1694 aŭtamabili na 19,7 młn dalaraŭ. Pry hetym z Ukrainy zavieźli tolki siem aŭtamabilaŭ na 55,5 tys. dalaraŭ. Jašče 22 mašyny pryjechali ŭ Biełaruś z Uźbiekistana. Abjom impartu ŭ hrašovym vyražeńni skłaŭ 129,1 młn dalaraŭ. Dla paraŭnańnia, u studzieni-lutym z Rasii ŭ Biełaruś było ŭvieziena 860 aŭtamabilaŭ. Takim čynam, možna kazać pra toje, što za miesiac impart aŭtamabilaŭ z Rasii skłaŭ 834 štuki, što amal supastaŭna z abjomam impartu za pieršyja dva miesiacy.

A voś uvoz aŭtamabilaŭ z Hiermanii, jakaja ŭ studzieni-lutym zajmała druhoje miesca pa eksparcie aŭtamabilaŭ u Biełaruś, skaraciŭsia. Kali ŭ studzieni-lutym adtul było ŭvieziena 785 mašyn (16,9 młn dalaraŭ), to ŭžo ŭ studzieni-sakaviku hety pakazčyk skłaŭ 985 na ahulnuju sumu 24,3 młn dalaraŭ, heta značyć, za sakavik u krainu zavieźli 200 aŭtamabilaŭ z Hiermanii.

Što da impartu sa Złučanych Štataŭ, to za pieršyja dva miesiacy adtul zavieźli 350 aŭtamabilaŭ na 8,7 młn dalaraŭ. Pa stanie na sakavik sa Štataŭ było ŭvieziena ŭžo 463 aŭtamabili, ahulnaja suma impartu skłała 12,5 młn dalaraŭ.

Dastatkova stabilny impart ź Japonii. Za pieršyja dva miesiacy adtul było ŭvieziena 294 aŭtamabili na 4,85 młn dalaraŭ. Za studzień-sakavik ź Japonii zavieźli 379 aŭtamabilaŭ amal na 6,65 młn dalaraŭ.

Što da impartu aŭtamabilaŭ z Respubliki Kareja, to za dva miesiacy 2012 adtul było ŭvieziena 248 adzinak techniki (na 4,64 młn dalaraŭ). Za try miesiacy — 299 mašyn amal na 5,5 młn dalaraŭ. Z Francyi impart za dva miesiacy skłaŭ 153 aŭtamabili na sumu amal 1,6 młn dalaraŭ. Pa vynikach troch miesiacaŭ u krainu było ŭvieziena ŭžo 176 mašyn amal na 1,92 młn dalaraŭ. Z Kitaja za miesiac zavieźli tolki 12 aŭtamabilaŭ. I kali za studzień-luty hety pakazčyk składaŭ 123 aŭtamabili i 884 tys. dalaraŭ, to ŭ studzieni-sakaviku hety pakazčyk skłaŭ 135 aŭtamabilaŭ na 960 tys. dalaraŭ.

Cikava, što istotny rost pakazaŭ impart aŭtamabilaŭ ź Mieksiki. Kali za studzień-luty ŭvieźli 23 aŭto na 224 tys. dalaraŭ, to ŭžo za try miesiacy było ŭvieziena 42 aŭtamabili na 454 tys. dalaraŭ.

U siehmiencie hruzavych aŭtamabilaŭ lidarstva ŭsio jašče ŭtrymlivaje Hiermanija. Tak, za try miesiacy ŭ Biełaruś adtul pryvieźli 546 aŭtamabilaŭ prykładna na 9,3 młn dalaraŭ. U toj čas jak z Rasii za toj ža pramiežak času zavieźli 407 aŭtamabilaŭ na 7,4 młn dalaraŭ.

• 0
• 0
• 0
• 0
• 0
• 0
• 0
• 0