Dla jaho kupiać śpiecyjalnuju vitrynu z klimat-kantrolem.
9 červienia ŭ mahiloŭskaj Ratušy, dzie raźmieščany Muziej historyi Mahilova, adbyłasia hramadskaja prezientacyja vykuplenaha ź internet-aŭkcyjonu Statuta Vialikaha Kniastva Litoŭskaha 1588 hoda.
14 maja Muziej historyi Mahilova abviaściŭ pra zbor achviaravańniaŭ dla vykupu Statuta ŭ maskoŭskaha kalekcyjaniera, jaki vystaviŭ dakumient na adkryty internet-aŭkcyjon. Na vykup Statuta pryvatnymi asobami było pieradadziena 76 młn. rubloŭ. 10-pracentny zadatak u pamiery 4 tys. 500 dalaraŭ muzieju dapamoh ŭnieści pradprymalnik z Mahilova. 100000 rasijskich rubloŭ pieravioŭ biełarus z Rasii Pavał Bierahovič. Kampanija "Alpary" achviaravała 30 tys. dalaraŭ, što i dazvoliła zajavić ab zakančeńni zboru nieabchodnych dla vykupu falijanta srodkaŭ.
"Statut ŭdałosia vykupić dziakujučy tamu, što była mocnaja hramadskaja padtrymka, - zajaviŭ na prezientacyi dyrektar muzieja Alaksiej Baciukoŭ -. Viartańnie Statuta nie treba ŭsprymać jak niejkuju skončanuju akcyju - heta, chutčej, adno ź źvionaŭ łancuha pa viartańni historyka-kulturnych kaštoŭnaściaŭ ŭ Biełaruś".
U intervju BiełaPAN dyrektar muzieja adznačyŭ, što
zbor achviaravańniaŭ na nabyćcio Statuta "staŭ hučnym padziejaj, jakaja ŭskałychnuła nacyjanalnaja samaśviadomaść, pačućcio honaru, patryjatyzmu ŭ biełarusaŭ".
Pa słovach Baciukova, Muziej historyi Mahilova maje namier i dalej nabyvać kaštoŭnyja asobniki historyka-kulturnaj spadčyny biełaruskaha naroda, kab demanstravać ich u svaich załach.
"Płanujecca vykup jašče troch knih, jakija my pakul nie chočam anansavać, kab usio atrymałasia dobra", -paviedamiŭ dyrektar.
Vykupleny Statut budzie zachoŭvacca ŭ śpiecyjalnaj vitrynie z klimat-kantrolem i sihnalizacyjaj,jakaja nieŭzabavie pavinna być zakuplena. Pierad tym, jak Statut budzie źmieščany na pastajannaje miesca - u vojtaŭskuju zału Ratušy, jaho čakaje jašče adna ŭračystaja prezientacyja, pryznačanaja na kaniec červienia.
Ciapier čytajuć
Stała viadoma, što ciapier adbyvajecca z palitviaźniem Jurasiom Ziankovičam, jakoha vyzvalili pa prośbie ZŠA13
Kamientary