Kryścina Šacikava pra svajo «lačeńnie» ŭ varjatni

Napiaredadni Dnia voli , 22 sakavika, Kryścinu Šacikavu zatrymali ŭ Miensku i pryvieźli ŭ Mahiloŭ. U mahiloŭskim KDB viadomuju demakratyčnuju aktyvistku, adnu z hierainiaŭ pałatkavaj płoščy Kalinoŭskaha sprabavali pierakanać nia brać udziełu ŭ sioletnim śviatkavańni i ŭzamien za heta spynić kryminalny pieraśled. Paśla admoŭnaha adkazu Kryściny

adrazu na vulicy na jaje napali nieviadomyja , zaciahnuli ŭ mašynu. Praź niekatory čas stała viadoma, što Kryścina znachodzicca ŭ Mahiloŭskim psychijatryčnym špitali, adkul jaje vypuścili ŭčora. Siońnia Kryścina raskazała našamu Radyjo pra padrabiaznaści.

‑‑ Tyja ludzi, jakija mianie vykrali (u Mahilovie), inšaha słova dla hetaha niama, byli tyja samyja, jakija mianie zabirali ź Miensku , z kvatery Andreja, majho dobraha siabra. Tajnu śledztva ja nikomu nie raskazvaju, ja śviata datrymlivaju zakony, chacia našy zakony ciapier ‑pusty huk. Što nie datyčyć tajny śledztva: mianie papiaredzili, mnie dali mahčymaść vyjści z hetaha stanovišča krychu inakš. I česna kažučy, ja zadumałasia, bo było vialikaje spakušeńnie paźbiehnuć takoha losu, ale ja tady nie viedała, što heta budzie psychijatryčnaja balnica . Kali sa mnoj raźvitvalisia (u KDB), to skazali : vielmi škada, vy b mahli paźbiehnuć bolš strašnych uražańniaŭ.

‑‑Kali vy zrazumieli, što z ruk KDB pierachodzicie ŭ ruki miedykaŭ, ci było ŭ vas uražańnie, što jany pracujuć jak hulcy adnoj kamandy, što ŭračy i sanitary vykonvajuć pastaŭlenuju zadaču?

‑‑ Pa darozie ŭ špital była sproba zhvałtavańnia, ja dumaju, dziela taho, kab mianie razzłavać, kab ja vyhladała jak ŭ stanie afiektu. Bo z maim charaktaram mnie vielmi składana prypisać niejkija adchileńni. Paśla hetaha skazali :»chopić» i pavieźli mianie tudy. Doktar, jaki mianie prymaŭ, nie pradstaviŭsia. Ja patrabavała advakata, pradstaŭnikoŭ presy... Vybačajcie, mnie ciažka havaryć, učora ŭnačy mianie advozili ŭ reanimacyju pa «chutkaj dapamozie»... Paśla taho pry dapamozie sanitaraŭ mianie zaciahnuli ŭ hetaje adździaleńnie, pryviazali i ŭvieś čas kałoli mocnyja trankvilizatary.

‑‑ Što vy adčuvali, jaki efiekt mieli tyja injekcyi?

‑‑ Spačatku źjaŭlalisia takija kryvavyja plamy, jakija płavali pierad vačyma, pierastaješ adčuvać ruki‑nohi, jak byccam vy ich adsiadzieli, adlažali... Heta paralizuje, ty nia možaš chadzić, ty stanovišsia jak vatny, tabie drenna, nia maješ apietytu. Vy viedajecie, ja ŭžo nie bajusia ničoha havaryć pa radyjo, ale kali čałaviek čatyry dni nie chodzić u tualet «pa maleńkamu»...

‑‑ A vy nie mieli mahčymaści pić vadu?

‑‑ Nie było nijakaha žadańnia . Pieršy raz ja pajeła ŭčora doma i toje paśla taho, jak vyklikali «chutkuju» i mianie zvazili ŭ reanimacyju, dzie zrabili ŭkoły... Paśla hetaha ja źjeła maleńki buterbrod. Pierad hetym sproby pajeści vyklikali mocnyja vanity.

‑‑ Kryścina, ci budziecie vy dabivacca raśśledavańnia hetaha zdareńnia?

‑‑ Učora mnie vyklikaŭ «chutkuju»iakraz adzin z maich pravabaroncaŭ Uładzimir Kraŭčanka , učora ž my z pravaabaroncam Bučelem i žurnalistam Alesiem Burakovym jeździli pa sudmedekśpiertyzach, ale ŭnačy było ŭsio začyniena. Ja budu davodzić hetuju spravu da kanca. Adrazu ž, jak ja tolki vyjšła z psychijatryčnaj balnicy, my pajechali na sud, dzie sudili našych aktyvistaŭ...

Mnie zadavali tam takoje pytańnie:»Spadziajomsia, ciapier vy adumalisia?» Ja skazała, što kali ja kali‑niebudź i sumniavałasia, bo było šmat i stomlenaści, i rasčaravańnia, to ciapier ja ŭpeŭnienaja na ŭsie dźvieście pracentaŭ i mahu tolki padziakavać im za stymuł dla dalejšaj pracy.

• 0
• 0
• 0
• 0
• 0
• 0
• 0
• 0