«Kab nie rekłamavać niedazvolenaje hramadskaje mierapryjemstva».
Centrvybarkam na pasiedžańni 5 lipienia pryniaŭ pałažeńnie ab paradku vykarystańnia srodkaŭ masavaj infarmacyi padčas vybarčaj parłamienckaj kampanii.
Jak paviedamiła staršynia CVK Lidzija Jarmošyna, kožnamu kandydatu buduć pradastaŭlacca pa piać chvilin efirnaha času, jašče 5 chvilin - viadučamu. Heta značyć kali ŭ debatach buduć udzielničać dva kandydaty, jany buduć praciahvacca 15 chvilin, piać kandydataŭ - paŭhadziny.
«Usio budzie iści ŭ zapisie — heta nie žyvy efir, jak heta było padčas vybaraŭ prezidenta.Navat kali my kažam pra minimum kandydataŭ — na minułych vybarach było try kandydaty na miesca, usiaho — 330 čałaviek — dać usim žyvy efir składana technałahična. Debaty taksama buduć ažyćciaŭlacca ŭ zapisie. Ich buduć spyniać, kali kandydaty pierabiaruć čas.
Zrazumieła, kali tam budzie zaklik „usie pryjdziem na płošču śviatkavać“, jak było padčas vybaraŭ prezidenta, viadoma, heta vyražuć, tamu što telebačańnie naohuł nie maje prava heta puskać u efir — jano nie moža rekłamavać niedazvolenaje hramadskaje mierapryjemstva»,— zajaviła Lidzija Jarmošyna.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary