Sankcyi ES u dačynieńni da Biełarusi nie pryniasuć litoŭskamu biźniesu škody.
Bo miery źjaŭlajucca kropkavymi i nakiravanyja jany nie suprać usiaho biełaruskaha biznesu abo hramadstva, śćviardžaje vice-ministr zamiežnych spraŭ Litvy Evałdas Ihnatavičus.
Razmovy pra miljardnyja straty dypłamat nazvaŭ «naviazanymi tearetyčnymi razvahami», i padkreśliŭ, što nie bačyć pieradumoŭ dla ekanamičnaj vajny pamiž ES i Biełaruśsiu.
«Prymianiajucca abmiežavalnyja miery ŭ dačynieńni da 32 pradpryjemstvaŭ i troch pradprymalnikaŭ. ES nie ŭvodziŭ nijakich bujnamaštabnych ekanamičnych sankcyj u dačynieńni da Biełarusi -- hetyja miery źjaŭlajucca kropkavymi i nie nakiravanyja suprać usiaho biełaruskaha biznesu abo hramadstva», - u intervju haziecie Lietuvos žinios, apublikavanym u paniadziełak, skazaŭ vice-ministr.
Pavodle słovaŭ vice-ministra, praktyka ES nie praduhledžvaje mahčymaść kampiensacyi škody, pryčynienaj z-za prymianieńnia sankcyj.
«Kali krainy -- čalcy abo subjekty biźniesu mahli b patrabavać kampiensacyj, to miery ŭ dačynieńni da Irana, Paŭnočnaj Karei, Zimbabve ci inšych krain, jakija realizujuć niesumiaščalnuju ź mižnarodnymi abaviazacielstvami palityku, nikoli b nie ŭviali», - adznačyŭ dypłamat.
Litoŭski dypłamat vykazaŭ dumku, što ŭ hetym vypadku «nišu mahli b ubačyć strachavalniki i prymianiać novy vid strachavańnia -- na vypadak pierapynienych kantraktaŭ z-za prymianieńnia abmiežavalnych mieraŭ».
«Pierakanany, što našy pradprymalniki piśmiennyja ŭ šyrokim sensie hetaha słova i, zaviazvajučy kantakty z zamiežnymi pradpryjemstvami, uličvajuć i palityčny kantekst, aceńvajuć mahčymyja ryzyki.MZS nikoli nie pakidaje biźnies u biadzie. Ministerstva i pradstaŭnictvy za miažoj rehularna papiaredžvajuć pradstaŭnikoŭ biźniesu pra mahčymyja pahrozy», - skazaŭ E.Ihnatavičus.
Ciapier čytajuć
«My kidali kamiani, kab jany nie ŭźlatali». Adnym z tych, chto sprabavaŭ spynić drony, što vylatali z fur, byŭ biełarus Anton48
Kamientary