U niadzielu ŭ Rumynii prachodzić refierendum ab impičmiencie prezidentu Trajanu Besiesku. Raniej parłamient adchiliŭ Besiesku ad vykanańnia svaich abaviazkaŭ.
Chutkaść, ź jakoj było pryniata heta rašeńnie, vyklikała niepakoj ŭ ZŠA i krainach ES.
Impičmient byŭ inicyjavany levacentrysckaj kaalicyjaj. Jana abvinavaciła Besiesku, jaki pradstaŭlaje pravacentrysckija siły, u pieravyšeńni paŭnamoctvaŭ.
Na dumku levacentrystaŭ, Besiesku ŭmiešvaŭsia ŭ dziejnaść roznych ustanoŭ, a taksama pieravysiŭ paŭnamoctvy, aktyŭna pravodziačy palityku žorstkaj ekanomii.
Sam Besiesku śćviardžaje, što staŭ achviaraj dziaržaŭnaha pieravarotu.Pieršapačatkova jon zaklikaŭ hałasavać suprać impičmientu, ale zatym jaho partyja stała ahitavać za bajkot refierendumu.
Vynik referendumu zaležyć ad taho, kolki čałaviek pryjdzie hałasavać. Kab vyniki byli pryznany sapraŭdnym, jaŭka pavinna skłaści bolš za 50%.
Inšymi słovami, prahałasavać pavinny kala 9 młn čałaviek.
Kamientary