Jak Juščanka rychtavaŭ rospusk parlamentu

Kali niedzie apoŭnačy pamiž 2 i 3 krasavika deputaty ŭchvalili rašeńnie nie padparadkoŭvacca rospusku Viarchoŭnaje Rady, u zali nie było adnaho čałavieka, faktar jakoha ŭpłyvaje na dalejšaje raźvićcio padieziaŭ. Imia hetaha deputata Rynat Achmietaŭ.

Achmietaŭ maje metu — praz kolki hadoŭ mieć biznes koštam čystych dvaccaci piaci miljardaŭ dalaraŭ. I pieršaja kropla kryvi, pralitaja ŭ procistajańni vakoł rospusku parlamentu, devalvuje jahony kapitał u razy. Tamu, absurdna, ale siońnia Achmietaŭ — hałoŭny harant spakoju z boku Partyi rehijonaŭ.

Aŭtarami radykalnych kamentaroŭ, jakija naprava dy naleva razdavalisia ŭ Radzie, vystupali ludzi, jakim nie było čaho stračvać, aproč značka deputata. Ale čym bolš maštabnym biznesam vałodaŭ deputat, tym bolš strymana jon vykazvaŭsia pra sytuacyju. I bolej za ŭsio kazali, machnuŭšy rukoju: «My hatovyja da pieravybaraŭ!»

Najčaściej scenarom baraćby z ukazam Juščanki pra rospusk parlamentu prychilniki ŭradavaj kaalicyi nazyvajuć pazoŭ ŭ Kanstytucyjny sud.

Ale da hetaha radykalnaha rašeńnia Juščanka išoŭ daŭno i było b naiŭna dumać, što jon nie ŭličyŭ faktaru KS.

Jašče kolki tydniaŭ tamu Juščanka reanimavaŭ vydańnie «Oficijnij viśnik priezidienta», jaki dazvalaje jamu publikavać ukazy, nie čakajučy zhody parlamenckaha «Hołosu Ukrajini» dy kabminaŭskaha «Uriadovoho kurjeru».

Na minułym tydni Juščanka zvolniŭ hałavu Piačerskaha [rajon u Kijevie, dzie znachodzicca Sakrataryjat prezydenta i Viarchoŭnaja Rada] sudu, dzie mahli b abskardzić jahony ŭkaz.

Na rospusk parlamentu Juščanka navažyŭsia tolki paśla taho, jak zmoh pastavić pad kantrol sytuacyju ŭ partyi «Našaj Ukraina», adsunuŭšy ad kiraŭnictva aliharchaŭ.

Tamu niama nijakich harantyjaŭ, što Kanstytucyjny sud uvohule raspačnie spravu paśla deputackaha pazovu pra nielehitymnaść Juščankava ŭkazu pra rospusk. Dla heta spatrebiacca hałasy dziesiaci sudździaŭ KS z vasiamnaccaci. A papiarednija paŭhodu dziejnaści sudu pakazali, što takoj kolkaści hałasoŭ niemahčyma naźbirać pad nijakim rašeńniem.

Kali Janukovič abiare taktyku niepadparadkavańnia, zaškodzić jamu zmohuć bahata faktaraŭ. Pieršyja kanały telebačańnia aryjentavanyja na Juščanku, a revalucyi, jak i raniej, adbyvajucca ŭ stalicy, dzie za dva hady dziejsny premjer nia ździejśniŭ praryvu ŭ hladackich sympatyjach.

Tamu ŭsie mažlivyja vuličnyja akcyi, jakija abaviazkova arhanizoŭvaćmie kaalicyja i apazycyja, nia stanuć Majdanam‑2. Heta budzie chutčej faktaram razahrevu ŭłasnaha elektaratu dla mabilizacyi na daterminovyja vybary.

Aproč taho, u baraćbie z rospuskam parlamentu Janukovič sutykniecca ź niespadziavanymi apanentami — Vitrenka, Miedviadčuk, Litvin, jakija nie dazvolać premjeru pazbavić ich apošniaha šancu viarnucca ŭ vialikuju palityku.

Upieršyniu za mnoha miesiacaŭ Juščanka pierachapiŭ inicyjatyvu i apynuŭsia ŭ roli čałavieka, jaki dyktuje ŭmovy.

U svaim supracivie ŭkazu Juščanki ŭradavaja kaalicyja nie ŭličyła adnaho — słova prezydenta, jak pakazvaje suśvietnaja praktyka, važyć bolej ŭ paraŭnańni z pazycyjaj uradu ci parlamentu, tamu što jon — hałava dziaržavy. I jon maje najbolšuju hłybiniu lehitymnaści dy naŭprosty mandat ad narodu — u adroźnieńnie ad Janukoviča.

• 0
• 0
• 0
• 0
• 0
• 0
• 0
• 0