Nadzieja Astapčuk zavajavała treci załaty miedal dla Biełarusi!
Prajšli spabornictvy siarod žančyn u šturchańni jadra.
Pa vialikim rachunku pytańnie stajała tak: Valery Adams ci Nadzieja Astapčuk? Novaziełandka i biełaruska nastolki macniej za astatnich supiernic, što im zastavałasia tolki zmahacca za bronzu.
Varta adznačyć, što Adams (u šlubie Vieli) usio ž bolš tytułavanaja spartsmienka. Pradstaŭnica Novaj Ziełandyi pieramahała na Alimpijadzie ŭ Piekinie, a jašče trojčy była čempijonkaj śvietu.U Astapčuk ža majecca bronza ŭsio taho ž Piekina, a taksama pieramoha na
U finalnych spabornictvach taksama vystupała jašče adna biełaruska Natalla Michnievič, ale najlepšym jaje vynikam było 18,42. Jak vynik, apošniaje miesca ŭ finale — dvanaccataje.
Nadzieja Astapčuk pačała vydatna kidać z druhoj sproby. Jadro pryziamliłasia na adlehłaści 21,31 sm. A ŭ nastupnaj palepšyła hety vynik jašče na piać santymietraŭ.U Adams najlepšy vynik byŭ — 20,70 sm. Kaniečnie, u šturchańni jadra ŭsio moža źmianicca ŭ kožnaj sprobie. Ale zastavałasia adčuvańnie, što Nadzieja svajho nie ŭpuścić.
U čaćviortaj i piataj Astapčuk znoŭ zapuściła jadro na adlehłaść bolš za 21 mietr. Z takimi ŭdarami nie zmoh by spravicca nichto. U Astapčuk zołata!Srebra ŭ Adams, a bronzu ŭziała rasijanka Jaŭhienija Kałodka.
Nadzieja Astapčuk naradziłasia ŭ 1980 h. u vioscy Vialikija Arły Stolinski rajon. Navučajecca zavočna na histfaku BDU. Kaža, što padabajecca historyja Staražytnaha Jehipta. A asabliva — historyja Vialikaha Kniastva Litoŭskaha.Darečy, jana pazityŭna vykazvałasia i pra biełaruskuju movu. «Kaniečnie vałodaju, ja ž vučyłasia niekali ŭ biełaruskamoŭnaj škole. Ale, na žal, na ludziej, jakija vykarystoŭvajuć movu, hladziać kosa. Viedajecie, inšym razam u kampanii siabroŭ damaŭlajemsia razmaŭlać ciaham usioj sustrečy
***
U biełarusaŭ na Alimpijskich hulniach ciapier na rachunku vosiem miedaloŭ — try załatyja, dva srebranyja, try bronzavyja.
Zołata: Nadzieja Astapčuk (lohkaja atletyka, jadro) Maksim Mirny / Viktoryja Azaranka (tenis, mikst), Siarhiej Martynaŭ (stralba);
srebra: dva miedali Alaksandry Hierasimieni (płavańnie);
bronza: Maryna Škiermankova i Iryna Kuleša (ciažkaja atletyka), Viktoryja Azaranka (tenis).
Kamientary