14-hadovuju minčanku abvinavačvajuć u zbycie narkotykaŭ — joj pahražaje da 20 hadoŭ pazbaŭleńnia voli
Školnica vyrašyła padzarabić na prodažy narkotykaŭ. Zaraz jaje čakaje sud, paviedamlaje SK.
Niezakonnuju pracu školnicy prapanavaŭ nieviadomy. Jon napisaŭ u telehram i raskazaŭ, što pa peŭnych kaardynatach treba budzie zabirać skrutki, a zatym raskładvać ich u roznych rajonach horada i fatahrafavać. Padletak pahadziłasia i na praciahu niekalkich tydniaŭ raspaŭsiudžvała narkotyki.
Čarhovuju zakładku jana zrabiła 13 maja, paśla čaho jaje zatrymali supracoŭniki narkakantrolu. Paźniej školnica pakazała miescy z zakładkami — asabliva niebiaśpiečnym psichatropam alfa-PVP.
«Pa vynikach rasśledavańnia niepaŭnaletniaj vystaŭlena abvinavačańnie pa č. 4 art. 328 (niezakonnyja z metaj zbytu nabyćcio, zachoŭvańnie, pieravozka psichatropnych rečyvaŭ, učynienyja ŭ dačynieńni da asabliva niebiaśpiečnych psichatropnych rečyvaŭ u bujnym pamiery arhanizavanaj hrupaj) Kryminalnaha kodeksa. Z sankcyi prakurora da jaje ŭžyta miera strymańnia ŭ vyhladzie zaklučeńnia pad vartu», — paviedamlaje Śledčy kamitet.
Padčas dopytu zatrymanaja pryznałasia, što spačatku nie viedała pra źmiest skrutkaŭ. A kali zrazumieła, u jaki biznes uciahnuta, nie admoviłasia i praciahvała rabić zakładki.
U Biełarusi kryminalnaja adkaznaść za niezakonny abarot narkotykaŭ z metaj zbytu nastupaje z 14 hadoŭ. Pa hetym artykule pahražaje da 20 hadoŭ pazbaŭleńnia voli.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes1919
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes19
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary
Naŭzdahon Vyludkaŭ jakija " uciahvajiut padmanam niapoŭnahadovych" Pažyćcievaje ci ..vierchniaja miera pakarańnia .