Kaniec «palityki ŭciahvańnia»?
MZS Biełarusi zakryvaje svajo pasolstva ŭ Šviecyi i patrabuje ad Stakholma, kab jon zrabiŭ toje samaje da 30 žniŭnia.
Adnak razryvu dypłamatyčnych adnosin pakul nie adbyłosia.
Tak łukašenkaŭcy zreahavali na rašeńnie MZS Šviecyi ab vysyłcy sa Stakholma dvuch biełaruskich dypłamataŭ u adkaz na admovu praciahnuć akredytacyju šviedskamu pasłu ŭ Minsku Stefanu Eryksanu.
Biełaruski bok zychodzić z taho, što ŭsie supracoŭniki šviedskaj ambasady ŭ Biełarusi z 30 žniŭnia straciać svoj status, havorycca ŭ zajavie MZS.
Šviecyja adkryła svajo pasolstva ŭ Biełarusi ŭ ramkach jeŭrapiejskaj kancepcyi padtrymki niezaležnaści Biełarusi.Zachodnija krainy ličyli, što dypłamatyčnyja placoŭki ŭ Minsku padmacoŭvajuć pryznańnie Biełarusi jak niezaležnaj dziaržavy i spadziavalisia takim šlacham pašyryć suviazi respubliki ź Jeŭropaj.
Pieršym pasłom Šviecyi staŭ emblematyčny dypłamat Stefan Eryksan.Jon svabodna havoryć
Ekanamičnyja suviazi Biełarusi sa Šviecyjaj nie byli asabliva vialikimi. Zrešty, abjomy handlu zakškalvajuć tolki z tymi jeŭrapiejskimi krainami, što impartujuć ź Biełarusi naftapradukty.
Pry hetym Šviecyja nie chavała svajoj padtrymki pravoŭ čałavieka, represavanych, hramadzianskaj supolnaści. Eryksan prysutničaŭ na sudach nad palitviaźniami. U pasolstvie Šviecyi pieramožca «Jeŭrabačańnia» Łaryn sustrełasia z žonkaj źniavolenaha Alesia Bialackaha.
A pieradusim Eryksan intensifikavaŭ hramadskija i kulturnyja suviazi.U Šviecyi pabyvali sotni navukoŭcaŭ, čynoŭnikaŭ, artystaŭ, žurnalistaŭ, nastaŭnikaŭ, u Biełaruś pryjazdžali dziasiatki šviedaŭ. Zusim niadaŭna pasolstva Šviecyi pierajechała ŭ novy prastorny budynak na vulicy Revalucyjnaj u starym horadzie stalicy.
Heta była «palityka ŭciahvańnia» ŭ jaje čystym vyhladzie.Jeŭrapiejcy spadziavalisia pakryjoma «ŭciahnuć» Biełaruś u jeŭrapiejskija pracesy, u jeŭrapiejski mejnstrym, zarazić biełarusaŭ, u tym liku łukašenkaŭcaŭ, žadańniem žyć tak, jak žyvuć jeŭrapiejcy — jak u sensie dabrabytu, tak i zakonaŭ. Dypłamaty Jeŭrasajuza sychodzili z taho, što łukašenkaŭskija elity zacikaŭlenyja ŭ bałansavańni miž Rasijaj i Jeŭropaj. Što ich kłapocić ustojlivaść nacyjanalnaj niezaležnaści.
Vysyłkaj pasła Eryksana Biełaruś pačała novy dypłamatyčny kanflikt ź Jeŭrasajuzam.Minsk patrabuje ad jeŭrapiejcaŭ admovy ad padtrymki apazicyi. Heta stavić jeŭrapiejskija stalicy pierad składanym vybaram. Jeŭrapiejcy ŭsialak staralisia ŭniknuć abvastreńnia adnosin. A ciapier pierad imi dylema: abo stracić tvar, abo stracić prysutnaść. U apošnim vypadku «palityka ŭciahvańnia» robicca niemahčymaj.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary