Surapin šukaje dziaŭčynu, jakaja dasłała jamu zdymki miadźviedzikaŭ, choča ažanicca
«Ja jaje ŭžo čakaŭ miesiac. Dla maładoha chłopca heta šmat».
Adrazu paśla vyzvaleńnia z turmy «Amierykanki» Anton Surapin pačaŭ šukać Kaciarynu Skurat.Jon choča pryznacca joj u kachańni — dziaŭčynie, jakaja prysłała jamu foty ź plušavymi miadźviedzikami. Hetyja fotazdymki pasłužyli padstavaju dla aryštu i abvinavačańnia Surapina.
Kaciaryna vydaliła svaju staronku z sacyjalnaj sietki i nie adkazvaje na telefanavańni.Tamu praz «Biełsat» Anton Surapin pryznaŭsia Kaci ŭ kachańni i prosić jaje vyjści na suviaź.
Spačatku Anton nie raskryvaŭ asoby, jakaja dasłała jamu fotazdymki cacak, što pasłužyli pieršym dakumientalnym paćvierdžańniem realnaści «plušavaha desantu».Ciapier heta ŭžo nie maje sensu, miarkuje Anton.
Fotazdymki plušavych miadźviedziaŭ, skinutych šviedami z samalota, da Surapina trapili ad siabroŭki Kaci Skurat, jakaja žyvie ŭ Iviancy.Ź dziaŭčynaju fatohraf paznajomiŭsia zavočna — praz sacyjalnuju sietku «VKontaktie». A praź niekatory čas jany pabačylisia ŭ «reale», na Cukierkavym feście ŭ Iviancy. I chłopiec ź dziaŭčynaju adrazu adzin adnamu spadabalisia.
Anton uzhadvaje, jak pry kancy taho fiestyvalnaha dnia jon zrabiŭ Kaci žartaŭlivuju prapanovu ruki i serca, ale ciapier choča paŭtaryć svaje słovy ŭsurjoz.
Uvieś miesiac, što Anton pravioŭ za kratami «amerykanki», Kaciaryna była ŭ jahonych dumkach. Praz advakata jon pieradavaŭ Kaci pryznańnie ŭ kachańni, adnak listoŭ ad Kaci nie było.
Anton prosić dziaŭčynu vyjści na suviaź i kaža, što praz 1,5 hoda chacieŭ by zhulać ź joju viasielle.
«Ja jaje ŭžo čakaŭ miesiac. Dla maładoha chłopca heta šmat, — žartuje Anton. — Ja dumaju, ja jašče doŭha pratrymajusia».
Ciapier čytajuć
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1515
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru15
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary