U mierapryjemstvach uziali ŭdzieł 100 čałaviek.
23 žniŭnia na płoščy Daŭkantasa, la prezidenckaha pałaca ŭ Vilni (Litva), zhadali6-ju hadavinu z dnia hibieli pałkoŭnika Vitaŭtasa Paciunasa, jaki zahinuŭ u Breście.
Na mierapryjemstva ludziej sklikali Abjadnańnie hramadzian i Fond spadčyny M.-K.Čurlonisa. Usiaho sabrałasia kala 100 čałaviek. Za paradkam sačyli dva ekipažy palicyi.
Pobač z muzykami byŭ ustalavany płakat z nadpisam «Zabitaja praŭda: V. Paciunas, 1957–2006». Pradstaŭniki hramadstva nahadali adkaznym viedamstvam, što abstaviny śmierci V. Paciunasa i pryčyny paklopnickaj kampanii paśla jaho hibieli da hetaha času nie rasśledavanyja, paviedamlaje Delfi.lt. U zaprašeńni na ŭdzieł u mierapryjemstvie padkreślivałasia, što rasśledavańnie hibieli pałkoŭnika — sprava honaru Litvy.
Udava Paciunasa, žurnalistka Ludvika Paciunienie skazała, što vieryć u toje, što abstaviny hibieli jaje muža buduć rasśledavanyja,
- Byli dźvie viersii: hvałtoŭnaja śmierć i toje, što mužčyna pa nieaściarožnaści zvaliŭsia sam.
- Litoŭskija kansiervatary, jakija na toj čas znachodzilisia ŭ apazicyi, źviarnulisia da pravaabaroncaŭ z prapanovaj raspačać dziaržaŭnaje rasśledavańnie hetaj śmierci. Jeŭraparłamientaryj Vitaŭtas Łandśbierhis zaznačaŭ, što hibiel dypłamata — ni što inšaje, jak palityčnaje zabojstva. Departamient dziaržbiaśpieki Litvy potym zajaviŭ, što słužbu ŭ Biełarusi V. Paciunas abraŭ samastojna.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary