Deputat Zdanovič: Letnija kanikuły z 1 červienia da 1 vieraśnia zamacavany ŭ kodeksie
«I nichto nie maje prava jaho parušać».
Letnija vakacyi z 1 červienia da 1 vieraśnia zamacavany ŭ Kodeksie ab adukacyi, i nichto nie maje prava jaho parušać, zajaviŭ siońnia žurnalistam staršynia pastajannaj kamisii pałaty pradstaŭnikoŭ pa adukacyi, kultury, navucy i
«Letnija vakacyi ŭ nas zamacavany ŭ kodeksie vielmi vyrazna. Navučalny hod z 1 vieraśnia pa 31 maja.Nichto nie maje prava parušać kodeks. Navat kali chtości pasprabuje, heta budzie vielmi doŭhaja pracedura napieradzie», — skazaŭ deputat.
Jon dadaŭ, što raniej byli prapanovy ŭnieści ŭ zakanadaŭstva normu, pa jakoj červień — navučalny, a nie kanikularny miesiac.
«Skažu ščyra jak prafiesijny piedahoh [dyrektar himnazii], jak tolki viasnovaje sonca śviecić u akno, pra vučobu možna pacichu zabyvać, bo dzieci hladziać u hetaje akno i marać, jak by syści», — adznačyŭ deputat.
Uładzimir Zdanovič taksama ličyć, što skaračeńnie kanikuł moža adbicca na azdaraŭleńni. Letniki ŭžo nie prymuć takoj kolkaści dziaciej. Akramia taho, u škoł zastaniecca mienš času na ramont, paviedamlaje BiełTA.
Pra mahčymaść pavieličeńnia navučalnaha hoda abo kolkaści ŭrokaŭ u škołach zajaviŭ u minułuju piatnicu ministr adukacyi Siarhiej Maskievič padčas piedahahičnaj kanfierencyi «Prafiesijanalizm i hramadzianskaść — asnova stabilnaści i ŭstojlivaha raźvićcia stalicy».
Pavodle jaho słoŭ, u viedamstvie abmiarkoŭvajucca varyjanty pavieličeńnia navučalnaha hoda, kab za košt novych hadzin dapoŭnić adukacyjny praces ŭrokami fiziki, matematyki, inšych pradmietaŭ.
Ciapier čytajuć
Łukašenka: Abmiarkoŭvajem z ZŠA vyzvaleńnie palitviaźniaŭ4
Kamientary