Padčas hulni «Brest» — «Homiel».
24 tur čempijanata Biełarusi pa futbole prynios novyja razborki. «Brest» doma siensacyjna pieramoh «Homiel» — 2:1. Ale prajhraŭšy bok zastaŭsia niezadavoleny pracaj hałoŭnaha sudździ matča Dzianisa Ščarbakova.
«Sudździa dazvalaŭ sabie niedapuščalnaje — abražaŭ hulcoŭ matam prosta na poli, ja heta dakładna čuŭ! Kali futbalisty sprabavali niešta skazać u adkaz, aburacca, pakazvaŭ žoŭtuju kartku», — hetak paśla matča skazaŭ trenier bramnikaŭ «Homiela» Eduard Tučynski aficyjnamu sajtu kłuba.Arbitr pakazaŭ dźvie čyrvonyja kartki futbalistam «Homiela», što taksama adbiłasia na chod hulni.
«Mieła miesca surjoznaja mužčynskaja razmova. My ŭsie darosłyja ludzi. Futbalisty časta łajucca na sudździaŭ. Kali sudździa adkazaŭ hetak sama, nie varta raździmać z hetaha trahiedyju. Mianie taksama ŭ svoj čas sudździa pasyłaŭ kudy dalej. U svaju čarhu, ja čaściakom rablu toje ž samaje. Byvaje, što arbitr mnie adkazvaje. Nam možna kazać, a im — nie?», — skazaŭ u intervju goals.by paŭbaronca «Bresta» Viktar Sokał. Mienavita jon realizavaŭ pienalci paśla vydaleńnia Kirylčyka.
Sam Ščarbakoŭ admaŭlajecca kamientavać incydent. Kaža, što čutki jon nie abmiarkoŭvaje.
U kancy žniŭnia futbolnaja Biełaruś absmoktvała inšy skandał, kali nibyta hulcy «Šachciora» Alaksiej Ryjos i Dźmitryj Kamaroŭski dazvolili sabie rasisckija vykazvańni ŭ bok sieniehalskaha lehijanieraTady fiederacyja stała na bok «harniakoŭ».«Tarpieda-BiełAZ» Paskala Miendzi.
Chto ž apyniecca vinavatym ciapier sudździa ci futbalisty «Homiela»? Zrešty, kab dakazać vinavataść Ščarbakoŭ treba pradstavić aŭdyjo ci videazapisy, dzie jon «abkładaje» matam hulcoŭ.
Ciapier čytajuć
Byłyja žonka i dziaŭčyna Pratasieviča abjadnalisia i pryjšli da jaho novaj niaviesty, kab adpomścić. I pahražajuć sudom22
Kamientary