Ułada4141

U Minsku razhromleny pikiet kampanii «Havary praŭdu», zatrymanyja i źbityja žurnalisty

Nalot adbyŭsia la ŭniviersama «Frunzienski».

Teleapieratara Alaksandra Barazienku, fotakarespandentaŭ Siarhieja Hryca (Associated Press), Vasila Fiadosienku (Reuters), Taćcianu Ziankovič (EPA) i Paŭła Padabieda (BiełaPAN), a taksama aktyvistaŭ moładzievaha kryła «Zmiena» («Havary praŭdu!») Alaksandra Arcybašava i Paŭła Vinahradava zatrymali niekalki chvilin tamu (udzień 18 vieraśnia) na pikiecie la ŭniviersama «Frunzienski» Minska.

Incydent adbyŭsia apoŭdni 18 vieraśnia pobač z univiersamam «Frunzienski», dzie aktyvisty moładzievaha kryła kampanii «Havary praŭdu!» zładzili pieradvybarčy pikiet ź simvaličnaj razdačaj baršču.

Paśla pačatku pikieta da ŭdzielnikaŭ i žurnalistaŭ padbiehli nieviadomyja, pačali źbivać i zatrymlivać usich prysutnych.

Padčas zatrymańnia nieviadomyja ŭ cyvilnym raźbili akulary Siarhieju Hrycu, paśla čaho pačali siłaj zapichvać usich prysutnych u mikraaŭtobus.

Pavodle papiarednich źviestak, žurnalisty atrymali traŭmy. Zaraz ich telefony nie adkazvajuć.

Videa «Jeŭraradyjo» zatrymańnia

Pa słovach namieśnika staršyni HA «Biełaruskaja asacyjacyja žurnalistaŭ» Andreja Bastunca, napad na karespandentaŭ padčas pieradvybarčaha pikietu źjaŭlajecca hrubym parušeńniem zakanadaŭstva ab ŚMI.

Andrej Bastuniec padkreśliŭ, što pradstaŭniki srodkaŭ masavaj infarmacyi zhodna z zakanadaŭstvam majuć prava prysutničać na lubych publičnych mierapryjemstvach, u tym liku i niesankcyjanavanych. Pry hetym pradstaŭniki pravaachoŭnych orhanaŭ nie majuć prava pieraškadžać žurnalistam vykonvać svaje prafiesijnyja abaviazki.

«U siońniašnim vypadku, asabliva kali paćvierdzicca infarmacyi pra źbićcio karespandentaŭ i paškodžańnie techniki, vypadak nieabchodna traktavać zhodna z artykułam 198 Kryminalnaha kodeksa Biełarusi „Stvareńnie pieraškodaŭ zakonnaj prafiesijnaj dziejnaści žurnalistam“.
Vinavatyja ŭ napadzie pavinny panieści kryminalnuju adkaznaść za svaje dziejańni», — dadaje Andrej Bastuniec.

*** 13:00

Dziažurny Frunzienskaha RUUS paviedamiŭ HA «BAŽ», što ŭ pastarunak nikoha z vyšejnazvanych asobaŭ pakul nibyta nie dastaŭlali.

13:50

Hadzinu tamu HA «BAŽ» źviarnułasia da pres-sakratara HUUS Minharvykankama Alaksandra Łastoŭskaha z prośbaj vyśvietlić los zatrymanych na pikiecie žurnalistaŭ, u tym liku karespandentaŭ viadučych suśvietnych ahiencyj. Da hetaha času pres-słužba staličnaj milicyi tak i nie zdoleła pradstavić choć jakuju infarmacyju pra zatrymańni.

***

14.18

Žurnalistaŭ pačali adpuskać. Vypuścili Siarhieja Hryca, Vasila Fiadosienku, Taćcianu Ziańkovič, Paŭła Padabieda.

Paŭła Vinahradava aformili i pakinuli ŭ pastarunku.

Pra heta paviedamiła ŭ svaim akaŭncie ŭ Fejsbuku žurnalistka Julija Daraškievič.

14:53

Fatohraf Associated Press Siarhiej Hryc: Udaryli kułakom u pravaje voka, raźbili akulary

«Ja atrymaŭ udar kułakom u pravaje voka, pry hetym mnie raźbili akulary», — raskazaŭ «NN» fatohraf Associated Press Siarhiej Hryc, jaki razam z kalehami byŭ žorstka zatrymany siońnia na pikiecie aktyvistaŭ moładzievaha kryła «Zmiena» («Havary praŭdu!»).

«Vielmi hruba vałakli ŭ aŭtobus. Usich — aktyvistaŭ i presu. Vyryvali z ruk aparaturu. Pry hetym žorstka abryvali ŭsie sproby vyśvietlić, chto jany takija, i čamu zatrymlivajuć žurnalistaŭ»,
— kaža fotakarespandent. Pa jaho słovach. U aŭtobusie nieviadomyja ŭ cyvilnym adrazu ž adbirali telefony ŭ tych, chto sprabavaŭ telefanavać. U adździaleńni milicyi ŭsich zatrymanych pamiaścili ŭ aktavaj zali, rassadziŭšy ich na adlehłaści adzin ad adnaho. Aparaturu adabrali adrazu ž i skłali jaje na adnym sa stałoŭ.

«Ja pravioŭ dźvie hadziny ŭ roznych kabinietach. U mianie ničoha nichto nie pytaŭ. Zabrali pašpart i, vidavočna, sami daviedalisia, chto ja taki».

Žurnalist kaža, što jaho z kalehami adpuścili biez składańnia pratakołaŭ. Aparaturu jamu viarnuli, ale zdymki z akcyi byli vydalenyja.

Ciapier Siarhiej Hryc vyrašaje, jak budzie reahavać na siońniašnija padziei i ci budzie zdymać paboi. «Mnie treba paraicca z kiraŭnictvam».

Kamientary41

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca16

«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca

Usie naviny →
Usie naviny

Hajdukievič paraiŭ vykładvać u tyktok «nie dupu»16

Biełaruska padzialiłasia ŭražańniami ad aŭtobusnaha tura ŭ Dahiestan — 32 hadziny da pieršaha načleha2

Achmataviec u Kurskaj vobłaści rasstralaŭ kramu z hranatamiota. Z-kanały zaklikali pakarać jaho, ale pozna2

Novy film z «dziciom Biełarusi». Jak «Baleryna» praciahvaje spravu Džona Uika7

U žančyny ŭ Hiermanii naradziŭsia 100-y praŭnuk

U Biełarusi krytyčna padaje naradžalnaść. A jak u susiednich krainach?16

Rasijanie nanieśli masiravany ŭdar pa Kijevie i Adesie1

Aktrysa Hanna Chitryk paviedamiła, što rak viarnuŭsia6

Čamu ŭ siarednim uzroście naša talija pavialičvajecca? Pryčyna niečakanaja1

bolš čytanych navin
bolš łajkanych navin

«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca16

«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca

Hałoŭnaje
Usie naviny →

Zaŭvaha:

 

 

 

 

Zakryć Paviedamić