Parłamienckija vybary ŭ Biełarusi nie adbylisia. Apazicyja pačynaje kampaniju pa infarmavańni hramadzian «ab realnych vynikach vybaraŭ». Pra heta zajaŭlena 25 vieraśnia na
Kampaniju buduć pravodzić Abjadnanaja hramadzianskaja partyja (AHP), mižnarodnaje hramadskaje abjadnańnie «Małady front» (Čechija), arhkamitety pa stvareńni partyj «Biełaruskaja chryścijanskaja demakratyja» (BCHD) i «Biełaruski ruch», Niezaležny prafsajuz rabotnikaŭ radyjoelektronnaj pramysłovaści, Rada biełaruskaj intelihiencyi i hramadzianskaja kampanija «Jeŭrapiejskaja Biełaruś».
«Toje, što ŭ Biełarusi adbyłosia, nie moža ličycca vybarami, heta byli psieŭdavybary ŭ łžeparłamient», — zajaviŭ lidar AHP Anatol Labiedźka.Jon nahadaŭ, što pradstaŭniki AHP i inšych demakratyčnych arhanizacyj brali aktyŭny ŭdzieł u nazirańni na vybarčych učastkach i byli zadziejničanyja ŭ vybarčych kamisijach.
«Pa tych źviestkach, jakija my atrymali ad našych ludziej, jakija brali ŭdzieł u roznych sietkach niezaležnaha nazirańnia, my kanstatujem, što bolš jak pałova vybarščykaŭ Biełarusi nie brali ŭdziełu ŭ hałasavańni.Pa Minsku heta ličba jašče bolš žachlivaja dla ŭłady — dźvie treci vybarščykaŭ nie pryjšli na ŭčastki. Heta paćviardžajecca danymi naziralnikaŭ i tych, chto pracavaŭ u kamisijach. Heta daje na padstavy zajavić, što hetak zvanyja vybary nie adbylisia, jany nie mohuć mieć jurydyčnych nastupstvaŭ dla Biełarusi. U nas niama abranych deputataŭ, niama parłamienta, na jaho miescy ŭtvaryłasia čornaja dzirka», — zajaviŭ Labiedźka.
Pavodle słoŭ palityka, roznyja sietki naziralnikaŭ viali padlik jaŭki bolš čym na 1.300 vybarčych učastkach. «Navat sacyjołahi biaruć vybarku ŭ 1.500 čałaviek i ličać jaje reprezientatyŭnaj», — zaznačyŭ jon.
Sustaršynia arhkamiteta pa stvareńni partyi BCHD Vital Rymašeŭski, u svaju čarhu, zaznačyŭ, što danyja ŭsich naziralnych kampanij «nie nadta adroźnivajucca miž saboj».
«Budź heta kampanija nazirańnia „Za spraviadlivyja vybary“, abo „Pravaabaroncy za svabodnyja vybary“, abo naziralniki ad BCHD, abo niezaležnyja naziralniki ad inšych arhanizacyj — va ŭsich praktyčna adny ličby, raźbiežka ŭ
Udzielniki
Chto taja Alina, ź jakoj Łukašenka tancavaŭ hetym razam na navahodnim bali12
Kamientary