U niadzielu, 30 vieraśnia, h. Miory (Viciebskaja vobłaść) pdbudziecca pieršy ekałahičny fest «Žuraŭli i žuraviny Mijorskaha kraju».
Miesca i čas praviadzieńnia niezvyčajnaha śviata abranyja niezdarma: mienavita ŭ vieraśni tut pačynajecca siezon zboru žuravin, a pa zapasach hetych jahadaŭ miascovaje bałota Jelnia zajmaje pieršaje miesca ŭ Biełarusi. Akramia hetaha, Miorščyna štohod prymaje ŭ hości bolš za 4000 šerych žuravoŭ i dziesiatki tysiač husiej roznych vidaŭ, jakija prypyniajucca na adpačynak na bałocie Jelnia pad čas vosieńskaj mihracyi. Mienavita pra jahady i ptušak — jak pra ŭnikalnyja asablivaści Miorščyny i raspaviaduć miascovyja žychary.
Kožny zmoža panazirać za vialikaj kolkaściu šerych žuravoŭ i zrabić niezabyŭnyja zdymki. Ekskursii praviaduć prafiesijnyja arnitołahi.
Dla zručnaści ź Mioraŭ na navakolnyja paletki z ptuškami, jakija charčujucca tam u śvietły čas sutak, budzie jeździć biaspłatny aŭtobus.
Paśla jarkich sustreč z ptuškami, ŭdzielniki i hości festa zmohuć udzielničać u ekałahičnych hulniach, vybrać lepšuju siadzibu Miorskaha rajona, kupić na pamiać pra śviata zroblenyja rukami miascovych majstroŭ suvieniry. Kožny zmoža pakaštavać žuravinny mors, vypiečku z žuravinami i zakupić hetyja jahady pra zapas na zimu.
Prajektam arhanizujecca biaspłatny tranśfier Minsk — Miory i nazad.
Ciapier čytajuć
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary