Łukašenka: «U mianie ŭžo dvojčy ŭźnikała žadańnie apiačatać Minharvykankam»
Takoje pryznańnie zrabiŭ siońnia Alaksandr Łukašenka. Adbyłosia toje ŭ časie pracedury ŭzhadnieńnia pryznačeńniaŭ u staličnaj viertykali.
Tak, Łukašenka daŭ siońnia zhodu na pryznačeńnie Uładzimira Kucharava pieršym namieśnikam staršyni Minskaha harvykankama, Andreja Hala — namieśnikam staršyni Minskaha harvykankama, Alaksandra Krepaka — kiraŭnikom administracyi Partyzanskaha rajona Minska, Aleha Paskrobku — kiraŭnikom administracyi Centralnaha rajona.
«Ja vam skažu adkryta, paŭtaryŭšy niedzie: u mianie ŭžo dvojčy ŭźnikała žadańnie pozna ŭviečary zamknuć Minharvykankam, apiačatać ŭsie dźviery na sutki, a z ranicy pryznačyć staršyniu Minharvykankama, moža być, navat vajskoŭca, „žaleznaha“ čałavieka, jaki b na praciahu karotkaha času pačaŭ nabirać kirujučy skład, vierchavinu harvykankama, jakija b adsiejali z taho, što jość u harvykankamie, pa minimumie pakinuli rabotnikaŭ i nabirali novych»,— skazaŭ Łukašenka. «Voś ja vam adkryta, publična jašče raz paŭtaraju žadańnie, jakoje ŭ mianie dvojčy ŭźnikała. Ja chacieŭ by, kab heta było apošni raz, — papiaredziŭ Łukašenka. —
Pabłažki nijakaj nie budzie. Jak chočacie mianie razumiejcie.Vy pavinny być u hetym bolš zacikaŭleny, čym ja, vy ž minčuki, vy ž tut vyraśli».
Alaksandr Łukašenka padkreśliŭ, što ŭ dziejnaści Minharvykankama pavinna być vyklučana ciahanina, asabliva ŭ pracy ź inviestarami. «Peŭny adkaz na kankretnaje pytańnie pavinien być imhnienna: tak ci nie. Pavinna być peŭnaść, nie pavinna być nijakaj vałakity.
Nijakich praciahłych narad, asabliva ŭ pracoŭny čas, prašu heta ŭličyć.I vy pavinny šukać roznyja punkty hledžańnia, a nie cisnuć inicyjatyvu na karani», — pastaviŭ zadaču Łukašenka.
Ciapier čytajuć
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj7
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary