Haspadar siadziby «Marcinova huś» miarkuje, što padobnyja situacyi buduć paŭtaracca.
U vioscy Małaja Lucinka, što ŭ Vałožynskim rajonie, u lipieni vysachła vadaschovišča. Letaś jaho i jašče niekalki vadajomaŭ uziaŭ u arendu SVK «Piaršai-2003».
Praz darohu ad vysachłaha vadajoma mieścicca siadziba «Marcinova huś». Jaje haspadar Aleś Bieły śćviardžaje, što nieadnarazova źviartaŭsia da arandatara, a taksama da miascovych uładaŭ.
Z Vałožynskaha rajvykankama jon atrymaŭ adkaz, što abstalavańnie damby znachodzicca ŭ avaryjnym stanie, ramontam zajmajucca SVK «Piaršai-2003» i Vałožynskaje pradpryjemstva mielijaracyjnych sistem.
Haspadar siadziby miarkuje, što voziera vysachła praź niadbajnaść arandatara. Maŭlaŭ, toj nie daŭ rady padtrymańniu hidratechniki ŭ naležnym paradku i paškodziŭ šluz damby.
Aleś Bieły raskazvaje, što vysachłaje vadaschovišča było samym bujnym vadajomam ŭ radyusie prykładna 20-25 km i słužyła miescam hniezdavańnia mnohich vidaŭ ptušak, kažanoŭ i h.d., u tym liku achoŭnych.Jano ŭklučałasia va ŭsie pierśpiektyŭnyja płany raźvićcia tak zvanych «zialonych maršrutaŭ» Vałožynskaha rajona i Nalibockaj puščy, pryznanyja mižnarodnymi ekśpiertami samymi ŭdałymi ŭ Biełarusi.
Jość u spadara Biełaha da vadajoma ŭ Lucincy i kamiercyjny intares. Amatary ryby, jakija jechali siudy bavić čas, — patencyjnyja klijenty jahonaj siadziby.
Na dumku haspadara «Marcinovaj husi», padobnyja situacyi buduć uźnikać usio čaściej. Pierad sielskaj haspadarkaj pastaŭlenaja zadača zarablać hrošy. A heta značyć, što ciapier na pytańni achovy pryrody buduć zvažać usio mieniej.
Raźviadzieńniem ryby ŭ SVK «Piaršai-2003» zahadvaje Uładzimir Kruhlik. Jon raskazaŭ karespandentu «NN», što akurat u dzień pryjezdu ŭ Małuju Lucinku žurnalistaŭ byŭ adramantavany adzin z elemientaŭ šluza — šandora. Šluzu tamu amal paŭstahodździa. U chutkim časie damba budzie adramantavanaja i ŭ vadaschoviščy źjavicca vada. Pierad hetym dno vadajoma pačyściać, zrobiać usio nieabchodnaje dla adnaŭleńnia vytvorčaści ryby.
«Vy dumajecie, mnie nie balić toje vadaschovišča? Mnie jano balić, jak nikomu. Hrošy za arendu płacim, a prybytku pakul niama», — kaža Uładzimir Kruhlik.I padkreślivaje, što SVK «Pieršai-2003» źjaŭlajecca arandataram, a ŭłaśnikam — dziaržava. Na jaho dumku, mienavita ŭłaśnik pavinien kłapacicca pra naležny stan vadajomaŭ, ramantavać ich.
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary