Pasolstva Rasii: Vybary deputataŭ u Biełarusi byli prazrystymi i adpaviadali demakratyčnym normam
Vybary deputataŭ pałaty pradstaŭnikoŭ u Biełarusi byli prazrystymi, adkrytymi i adpaviadali demakratyčnym normam, zajaviŭ doŭhaterminovy naziralnik ad Rasii na vybarach deputataŭ pałaty pradstaŭnikoŭ nacyjanalnaha schodu, pieršy sakratar pasolstva Rasii ŭ Biełarusi Siarhiej Nožkin u chodzie videabryfinhu 5 kastryčnika na
Pavodle jaho słoŭ, vybary byli praviedzienyja ŭ adpaviednaści z Kanstytucyjaj i Vybarčym kodeksam Biełarusi.Takuju vysnovu štab misii naziralnikaŭ ad Rasii zrabiŭ na asnovie ŭłasnych nazirańniaŭ i znosin ź inšymi naziralnikami, zajaviŭ Nožkin. Pavodle jaho słoŭ, zaŭvah da praviadzieńnia vybaraŭ u naziralnikaŭ ad Rasii nie było. Naziralniki ad Rasii taksama nie vyjavili prymušeńnia vybarščykaŭ da ŭdziełu ŭ daterminovym hałasavańni.
Pavodle jaho słoŭ, usiaho było vyłučana 16 naziralnikaŭ ad Rasii, 12 ź ich karotkaterminovych i čatyroch doŭhaterminovych. Bolšaść z naziralnikaŭ źjaŭlalisia pradstaŭnikami pasolstva Rasii ŭ Biełarusi.
Kožnyja dźvie hadziny hrupa karotkaterminovych naziralnikaŭ rabiła spravazdaču pierad doŭhaterminovymi naziralnikami; jany, u svaju čarhu, pieradavali infarmacyju ŭ štab misii. Pry padliku hałasoŭ kožny z naziralnikaŭ prysutničaŭ na adnym z tych učastkaŭ, dzie znachodziŭsia dniom.Jak adznačyŭ Nožkin, praces nazirańnia prachodziŭ nastupnym čynam: naziralnik prychodziŭ da adkryćcia ŭčastka, znachodziŭsia na im, «kolki ličyŭ patrebnym», a zatym naviedvaŭ inšyja ŭčastki.
«Pry vynikovych acenkach my karystalisia nie tolki svaimi ŭłasnymi acenkami, ale i pravodzili šmat asabistych sustreč», — zajaviŭ naziralnik ad Rasii. Pavodle jaho słoŭ, pasoł Rasii ŭ Biełarusi Alaksandr Surykaŭ dvojčy sustrakaŭsia z kiraŭnikom misii naziralnikaŭ Biuro pa demakratyčnych instytutach i pravach čałavieka (BDIPČ) Arhanizacyi pa biaśpiecy i supracoŭnictvie ŭ Jeŭropie (ABSIE) Antonia Miłašoski. Taksama pasoł Rasii sustrakaŭsia z delehacyjaj členaŭ Savieta Fiederacyi, jakija pryjechali ŭ jakaści naziralnikaŭ na vybary, i z deputatami Dziaržaŭnaj dumy. U pieryjad doŭhaterminovaha hałasavańnia była praviedziena sustreča ekśpiertaŭ misii ad SND i misii BDIPČ ABSIE.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak12
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary