Były kandydat u prezidenty raskazaŭ pra svaju razmovu z apostalski nuncyjem Kłaŭdyjo Hudžeroci.
Maryna Adamovič, žonka byłoha kandydata na prezydenta Mikałaja Statkieviča, atrymała ad jaho list z apisańniem razmovy z apostalski nuncyjem Kłaŭdyjo Hudžeroci:
«Za dzień da sustrečy supracoŭniki administracyi zapytalisia ŭ Mikałaja pra jahonaje vieravyznańnie i niejak byli rasčaravanyja, kali daviedalisia, što jon pravasłaŭny.„Vidać, chacieli nadać hetaj sustrečy čysta relihijny charaktar“, — piša Mikałaj. Pra nuncyja piša, što toj byŭ vielmi pryjazny. Pierakładaŭ razmovu małady śviatar: z anhielskaj na biełaruskuju movu i naadvarot. Mikałaj pieradaŭ padziaku Papu za ŭvahu i padtrymku.
Na pytańnie, što pieradać eŭrapiejskim pasłam ŭ Biełarusi jon pa-sutnaści paŭtaryŭ toje, što kazaŭ u apošnim słovie na sudzie. Što bandytam nielha prapanoŭvać hrošy za vyzvaleńnie zakładnikaŭ, inakš buduć novyja zakładniki.Ad siabie mušu dadać, što da Mikałaja ad Vialikadnia nie puskajuć pravasłaŭnaha śviatara, jaki naviedvaje turmu štotydniova. Mikałaja da jaho prosta nie padvodziać. Mahčyma, tamu, što na Vialikdzień śviatar pieradaŭ mužu jajki i kulič, hetak padtrymaŭ jaho. I voś ŭ razmovie z nuncyjem Mikałaj pra heta zhadaŭ, što jamu faktyčna admoŭlena ŭ sustrečach sa śviatarom. Na što
spadar Kłaŭdyjo Hudžeroci skazaŭ, što budzie sustrakacca ź mitrapalitam Fiłaretam i pahavoryć ź im pra heta».
Sustreča Mikałaja Statkieviča z pasłancom Vatykana adbyłasia 25 vieraśnia ŭ kabinecie načalnika mahiloŭskaj turmy, dzie z hetaha hodu u dvuchmiesnaj kamery trymajuć byłoha kandydata na prezydenta.
«Mikałaj piša, što adrazu papiaredziŭ nuncyja, što padčas razmovy budzie pahladać u vakno, bo tam bačny drevy i trava, jakich jon užo amal hod nia bačyŭ», —dadała pra sustreču Maryna Adamovič.
Były kandydat na prezydenta Mikałaj Statkievič asudžany za Płošču na 6 hadoŭ źniavoleńnia — heta samy vialiki termin siarod udzielnikaŭ padziej 19 śniežnia 2010 hodu , jakich pryciahnuli da sudu. Šmat chto ŭ Biełarusi miarkuje, što biełaruskaje kiraŭnictva hetak pakvitalisia z Statkievičam za vostruju krytyku padčas prezydenckaj kampanii i asabliva padčas vystupaŭ kandydata pa telebačańni.
Kamientary