Minskaja milicyja: pikietčyka Vinahradava bili, fatohrafa Hryca — nie
Fotakarespandentu Associated Press Siarhieju Hrycu admovili ŭ zaviadzieńni kryminalnaj spravy.
Z RUUS Frunzienskaha rajona Minska jamu adkazali, što 18 vieraśnia padčas pikieta za parušeńnie zakanadaŭstva pry pryviadzieńni masavych mierapryjemstvaŭ byli zatrymanyja Arcybašaŭ, Kurłovič, Viniacki, Vinahradaŭ. Razam ź imi zatrymali jašče siem čałaviek, jakija mieli pry sabie fotaaparaty i kamiery.
U vyniku nalotu ludziej u cyvilnym Siarhieju Hrycu raźbili tvar, z fotaaparata vydalili zdymki. Pradstaŭnik Frunzienskaha RUUS stalicy adkazaŭ:
suprać Vinahradava i inšych aktyvistaŭ siłu ŭžyli, suprać Hryca — nie.
«Praviedzienaj pravierkaj vyśvietlić abstaviny atrymańnia cialesnych paškodžańniaŭ Hrycom nie pradstaviłasia mahčymym, bo nichto z supracoŭnikaŭ milicyi ŭ adnosinach da apošniaha fizičnaj siły i fizičnaha hvałtu, a taksama śpiecsrodkaŭ nie vykarystoŭvaŭ». Nie bačycca mahčymym vyśvietlić i akaličnaści vydaleńnia ŭ fotakarespandenta Associated Press na «videakamiery» (tak u pastanovie, sapraŭdy heta byŭ fotaaparat), bo supracoŭniki milicyi jaje nie zabirali. Adpaviedna adsutničaje skład złačynstva.
Milicyja admoviłasia šukać čałavieka, jaki źbiŭ fatohrafa.
Nahadajem, 18 vieraśnia la ŭniviersama «Frunzienski» ŭ Minsku padčas pikieta, ładžanaha moładzievym kryłom kampanii «Havary praŭdu!» — «Zmena» byli zatrymanyja teleapieratar Alaksandr Barazienka, fotakarespandenty Siarhiej Hryc (Associated Press), Vasil Fiadosienka (Reuters), Taćciana Ziankovič (EPA) i Pavieł Padabied (BiełaPAN), a taksama aktyvisty «Zmieny». Padčas pikieta aktyvisty mielisia zładzić simvaličnuju razdaču baršču.
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii7
Kamientary