U redakcyju «Našaj Nivy» patelefanavała žycharka Voršy. Alena Klimava raspaviała, što ŭžo amal hod nia maje elektryčnaści va ŭłasnym domie. Žančyna haduje šaściora dziaciej ź dziciačaha domu, adnaho ź jakich jana ŭsynaviła.
U redakcyju «Našaj Nivy» patelefanavała žycharka Voršy. Alena Klimava raspaviała, što ŭžo amal hod nia maje elektryčnaści va ŭłasnym domie. Žančyna haduje šaściora dziaciej ź dziciačaha domu, adnaho ź jakich jana ŭsynaviła.
Alena Alaksiejeŭna maje ŭłasnuju kvateru ŭ Voršy. Pa tym adrasie prapisana 17 čałaviek. Ułasnyja dzieci, jakich u jaje čaćviora, taksama majuć siemji. Hod tamu spn.Klimava pierajechała da starejšaha syna ŭ viosku Vialikaja Charkaŭka. Ciapier u toj chacie žyvie jana, jaje 70‑ci hadovy baćka, starejšy syn, dy šaściora vychavancaŭ. Dziaciej vychoŭvaje biaz muža, bo toj lubić vypić. Kaža, što niachaj dzieci padrastuć, nia bačačy pierad saboj taki prykład. Usio b dobra, ale da viaskovaha domu nie padviedzienaja elektryčnaść. «Pačałosia z taho, što ŭ aršanskich elektrasietkach mnie prapanavali zrabić usio za adzin dzień — tolki zapłaci nam 1 200 000 rubloŭ», — płača žančyna.
Alena Alaksiejeŭna nabyła ŭsio nieabchodnaje samastojna za sumu ŭ piaciora mienšuju ad prapanavanaj elektrasietkami. Vyklikała supracoŭnikaŭ elektrasietak, i čakaje ich kala hodu. «Kožny raz kažuć, što chutka pryjeduć, dy ŭsio parobiać, što ciapier pracuje adno akno, to praściej im stała akazvać pasłuhi ludziam, ažno nia jeduć užo hod», — narakaje Klimava. Siamja jaje žyvie z haspadarki, na kožnaha vychavanca dziaržava płacić pa 100 tysiačaŭ rubloŭ. Žančyna nia skardzicca na dabrabyt, kaža, što zarablaje na siabie sama. Joj niezrazumieła, čamu dziaržava tak stavicca da jaje, jaje siamji. Chutka pačnucca ekzamieny i jak dzieciam da ich rychtavacca — nie zrazumieła, kaža Alena Klimava.
Tym časam u Aršanskich elektrasietkach kažuć, što nie atrymlivali ad A.Klimavaj zajavy. Načalnik adździełu, adkaznaha za absłuhoŭvańnie viaskovych elektrasietak Aršanskaha rajonu, Piotar Usovič raspavioŭ nastupnaje. U rajonie druhi hod dziejničaje pryncyp absłuhoŭvańnia nasielnictva pad nazovam «adno akno». Pasłuha, padobnaja da toj, jakuju tak doŭha čakaje žančyna ź Vialikaj Charkaŭki, akazvajecca na praciahu miesiacu. «Niachaj źviartajecca, piša zajavu, i ŭsio zrobim», — zapeŭnivaje čynoŭnik. Trapić na pryjom da Piatra Ivanaviča možna štodzień ad 8‑j da 20‑j hadziny, u suboty — da 17‑j. «Možna choć unočy, tut pracuje dziažurnaja słužba» — zavieryŭ sp. Usovič.
Ciapier čytajuć
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary