Aficyjny kiraŭnik Biełarusi znoŭ zajaviŭ pra finansavańnie Zachadam apazicyi, što, pavodle jaho słovaŭ, paćviardžaje i lidar KCHP BNF.
«Dziakuj jamu [Paźniaku], što jon pracytavaŭ mianie ab tym, što ja kazaŭ na Usiebiełaruskim narodnym schodzie. Hrošy Zachad zapłaciŭ biełaruskaj apazicyi, dasłoŭna kažu pa Paźniaku, i jany [apazicyja] kažuć siońnia, što treba zachodnim palitykam», — adznačyŭ A. Łukašenka ŭ paniadziełak na sustrečy sa studentami i vykładčykami BDEU.
«Heta pryznajuć našy h. zv. apazicyjaniery. Jany tam kormiacca, u ich tam karyta, ci tut karyta, a korm pryvoziać adtul»,— zajaviŭ A.Łukašenka, cytuje jaho słovy Interfax.by
Łukašenka taksama nahadaŭ pra padvojnyja standarty ŭ acency spravy kiraŭnika začynienaha ŭładami pravaabarončaha centra «Viasna» Alesia Bialackaha, asudžanaha ŭ Biełarusi na 4,5 hoda za niavypłatu padatkaŭ.
«Infarmacyju nam daŭ Jeŭrapiejski sajuz praź Litvu, dzie jon chavaŭ hrošy. Tak, u Amierycy možna atrymać pažyćciovaje źniavoleńnie za niavypłatu padatkaŭ — heta narmalna», — adznačyŭ jon, paviedamlaje tut.by
Nahadajem, što ŭ kancy kastryčnika Zianon Paźniak u intervju małaviadomamu sajtu Interpolit zajaviŭ, što ŭ Biełarusi niama sapraŭdnaj apazicyi.
Staršynia«Dasyłajuć Vika, kiraŭnika źniešniaj raźviedki Hiermanii, daśviedčanaha prafiesijanała. Jon pačynaje źbirać Labiedziek, Kalakinych, daje im hrošaj. Zachad atrymaŭ svaju hrupu apazicyi, na jakuju jon moža ŭździejničać z dapamohaj hrošaj i jakaja vykonvaje ich pažadańni, kab akazvali cisk na Łukašenku. (…) Jany robiać pikiety,KCHP-BNF nazvaŭ kankretnuju sumu, jakaja była vydatkavanaja na stvareńnie biełaruskaj apazicyi ŭ 1999 h. — $1 młn. 700 tys.
Jaho słovy vyklikali vostryja sprečki ŭ biełaruskim internecie, a pieršy kiraŭnik niezaležnaj Biełarusi Stanisłaŭ Šuškievič nazvaŭ Z. Paźniaka «palityčnym dezierciram».
Ciapier čytajuć
Što zdaryłasia z vykładčykam BNTU Michaiłam Ščukinym, jaki pamior pry zatrymańni. Viersija milicyi10
Kamientary